Read Свето Писмо (Гаврилова) 1990 Псалми 23 Bible Online

Псалми 23 - Свето Писмо (Гаврилова) 1990 bible

Псалми 23

¹Господова е земјата и она што ја исполнува вселената е сѐ што живее на неа,

²зашто Он ја основа врз морињата, и на реки ја утврди.

³Кој може да излезе на гората Господова и кој ќе застане на Неговото свето место?

⁴Оној, чии раце се невини и чие срце е чисто, кој не се колнел во душата своја напразно и не го спомнувал лажливо името Господово пред ближниот свој, —

⁵тој ќе добие благослов од Господа и милост од Бога, Својот Спасител.

⁶Таков е родот на оние што Го бараат Господа, кои Го бараат Бога Јаковов!

⁷Подигнете ги, порти, горништата свои, подигнете се, вечни порти, и ќе влезе Царот на славата!

⁸Кој е тој Цар на славата? — Крепкиот и силниот Господ, силниот во војна Господ.

⁹Подигнете ги, порти, горништата свои, подигнете се, вечни порти, и ќе влезе Царот на славата!

¹⁰Кој е Царот на славата? — Господ над војските — Он е Цар на славата!