Read Свето Писмо (Гаврилова) 1990 Псалми 26 Bible Online

Псалми 26 - Свето Писмо (Гаврилова) 1990 bible

Псалми 26

¹Господ е моја светлина и мое спасение: од кого да се бојам? Господ е крепост на мојот живот, од кого ќе се плашам?

²Кога се приближија до мене злобни противници и непријатели, за да го изедат телото мое, ослабнаа, се сопнаа, и паднаа.

³И полк да се крене против мене, нема да се исплаши срцето мое; дури и цела војска да се дигне против мене, и тогаш ќе се надевам на Него;

⁴само за едно Го молам Господа, само тоа го сакам: да останам во домот Господов преку сите денови на животот мој, да ја гледам Господовата убавина и да го посетувам Неговиот свет храм,

⁵зашто во злочест ден Он би ме сокрил во Својата скинија, би ме сокрил под покривот на своето живеалиште; би ме искачил на карпа.

⁶Тогаш главата моја ќе се издигне над непријателите што ме опкружуваат; и јас ќе принесам во скинијата Негова жртва поради радоста, па ќе пеам и ќе го фалам Господа.

⁷Чуј го, Господи, гласот мој, бидејќи кон Тебе викам помилуј ме и услиши ме.

⁸Срцето мое ги повторува Твоите зборови: — Барај го лицето Мое; и јас го барам лицето Твое, Господи.

⁹Не сокривај го од мене лицето Свое; не го одбивај во гневот слугата Твој. Биди мој помошник; не отфрлувај ме и не ме оставај, Боже, Спасителе мој!

¹⁰Зошто татко ми и мајка ми ме оставија, но Господ ме прими.

¹¹Научи ме, Господи, на Твојот пат и упати ме по патеката на правдата, поради непријателите мои;

¹²не ме предавај на своеволноста на непријателите, зашто востанаа против мене лажни сведоци и дишат злоба.

¹³Но јас верувам, дека ќе ја видам Господовата благост во земјата на живите.

¹⁴Надевај се на Господа, биди мажествен; нека е цврсто срцето твое; надевај се на Господа.