Read Свето Писмо (Гаврилова) 1990 Псалми 28 Bible Online

Псалми 28 - Свето Писмо (Гаврилова) 1990 bible

Псалми 28

¹Принесете Му на Господа, синови Божји, принесете Му на Господа јаганца, принесете Му на Господа слава и чест,

²принесете Му слава на Господа и на името Негово, поклонете Му се на Господа во Неговиот свет двор.

³Гласот Господов е над водите; Бог на славата загрми, Господ е над многу води.

⁴Гласот Господов е во силата, гласот Господов е во велелепието.

⁵Гласот Господовкрши кедри; ќе ги скрши Господ кедрите ливански,

⁶и направи како теле да потскокнува Ливан, а Сирион — како младо биволче.

⁷Гласот Господов сече како огнен пламен.

⁸Гласот Господов ја потресува пустињата; ќе ја затресе Господ пустињата Кадес.

⁹Гласот Господов ги ослободува бремените кошути и ги оголува горите; и во храмот Негов секој ја возвестува славата Негова.

¹⁰Господ седи на престолот над потопот, и ќе седи Господ како цар довека.

¹¹Господ ќе му даде сила на Својот народ, Госод со мир ќе го благослови народот Свој.