Read Свето Писмо (Гаврилова) 1990 Псалми 35 Bible Online

Псалми 35 - Свето Писмо (Гаврилова) 1990 bible

Псалми 35

¹Беззаконикот зборува во себеси — дека греши, нема страв Божји пред очите негови,

²зашто тој се залажува себеси, место да го увиди своето беззаконие и да го намрази;

³зборовите на устата негова се неправда и лукавство; тој не сака да се вразуми, и да врши добро;

⁴на леглото свое си помислува беззаконие, поаѓа на лош пат, од зло не се гнаси.

⁵Господи, Твојата милост е на небесата, Твојата вистина — до облаците!

⁶Твојата праведност е како горите Божји, а судовите Твои како голема бездна! И луѓе и добиток ќе спасиш Ти, Господи!

⁷О колку обилно си ја пројавил Твојата милост, Боже! Синовите човечки ќе се надеваат под Твојата закрила;

⁸тие ќе се наситат од изобилието на Твојот дом, и од потокот на Твојата красота ќе ги напојуваш;

⁹зашто во Тебе е изворот на животот: во Твојата светлина ќе гледаме светлина.

¹⁰Покажи ја милоста Своја кон оние кои Те познаваат, и правдата Своја кон оние со чисто срце;

¹¹да не ме згази ногата горда, и раката на грешникот да не ме поколеба.

¹²Таму паднаа они, што вршат беззаконие; соборени се и не можат веќе да станат.