Read Свето Писмо (Гаврилова) 1990 Псалми 40 Bible Online

Псалми 40 - Свето Писмо (Гаврилова) 1990 bible

Псалми 40

¹Блажен е оној, што ги прегледува бедните и сиромасите! Во злочест ден Господ ќе го избави.

²Господ нека го запази и нека го заштити и ублажи животот негов на земјата; и да не го предаде во рацете на непријателот негов.

³Господ нека му помогне кога лежи болен в постела. Ти ја изменуваш целата постела негова при болеста негова.

⁴Реков: »Господи, смилуј се на мене, излекувај ја душата моја, зашто згрешив пред Тебе.«

⁵Непријателите мои зборуваат лошо за мене: »Кога ќе умре, и кога ќе загине името негово?«

⁶И ако некој дојде да ме види, говори лага; неговото срце собира неправда во себе, и тој, штом ќе излезе надвор, расправа.

⁷Сите мои непријатели шепотат меѓу себе против мене, помислувајќи ми зло:

⁸»За законопрестапен збор ме набедија; кој еднаш легне веќе нема да стане.«

⁹Дури и човекот, кој беше во мир со мене и на кого се надевав, кој јадеше мој леб, ја крена ногата против мене.

¹⁰А Ти, Господи, помилуј ме, исправи ме, та да им возвратам.

¹¹По тоа ќе дознаам, дека сум ти мил, кога непријателот мој нема да се погордее над мене;

¹²а мене, пак, ме прифати цел поради мојата незлобивост и ме зацврсти пред Себе вечно.

¹³Нека е благословен Господ, Бог Израилев, од века до век! Амин, амин!