Read Свето Писмо (Гаврилова) 1990 Псалми 45 Bible Online

Псалми 45 - Свето Писмо (Гаврилова) 1990 bible

Псалми 45

¹Бог ни е нам прибежиште и сила, помошник, на секој кој вомака ќе се најде.

²Затоа нема да се уплашам, па макар и земјата да се разниша, и горите да се преместат во срцето морско.

³Збучеа и се креваа водите нивни, се затесоа горите од жестината нивна.

⁴Речните потоци го веселат Божјиот град, Севишниот го осветли живеалиштето Свое.

⁵Бог е среде него; тоа нема да се разниша: Бог ќе му помогне уште пред зори.

⁶Се збунија народите; се потресоа царствата; Севишниот го пушти Својот глас, и земјата се затресе.

⁷Господ на силите е со нас, Јакововиот Бог е наш застапник.

⁸Дојдете и видете ги делата Божји — чудесата што ги направи Он на земјата.

⁹Прекратувајќи ги војните до крајот на земјата, ќе го скрши лакот и ќе го здроби оружјето, и штитовите големи со оган ќе ги изгори.

¹⁰Застанете и разберете дека Јас сум Бог; ќе се издигам над народите и ќе се превознесувам над земјата.

¹¹Господ на силите е со нас, Јакововиот Бог е наш застапник.