Read Свето Писмо (Гаврилова) 1990 Псалми 47 Bible Online

Псалми 47 - Свето Писмо (Гаврилова) 1990 bible

Псалми 47

¹Голем е Господ и многу фален во градот на нашиот Бог, на Својата света гора.

²Прекрасна возвишеност, радост на целата земја е гората Сион; на северната страна нејзина е градот на големиот Цар.

³Бог, Кој е во Својот дворец, знаеме дека е заштитник.

⁴Зашто, ете, се собраа царевите земни и сите дојдоа заедно,

⁵па, откако видоа, се восхитија, се збунија и се поколебаа:

⁶страв ги опфати таму, па се мачеа како жена родилка;

⁷и со силен ветар ги разби тарсиските кораби.

⁸Како што чувме, така и видовме во градот на Господа на силите, во градот на нашиот Бог: Бог го основа за довека.

⁹Ја примивме, Боже, милоста Твоја среде храмот Твој.

¹⁰Според името Твое, Боже, е и Твојата похвала до краиштата на земјата: Твојата десница е полна со правда.

¹¹Нека се весели гората Сион, и да се радуваат јудејските ќерки заради Твоите судови, Господи.

¹²Одете околу Сион и обиколете го, прикажувајте во кулите негови.

¹³Положете ги срцата свои во неговата моќ; разгледајте ги неговите дворци, за да му раскажете на идниот род.

¹⁴Зашто овој Бог е наш Бог во сите векови: Он ќе ни биде пастир вечен.