Read Свето Писмо (Гаврилова) 1990 Псалми 5 Bible Online

Псалми 5 - Свето Писмо (Гаврилова) 1990 bible

Псалми 5

¹Чуј ги, Господи, зборовите мои, разбери ги поплаките мои.

²Чуј го гласот на моето молење, Цару мој и Боже Мој!

³Наутро чуј го гласот мој, наутро застанувам пред Тебе и во Тебе гледам.

⁴Оти Ти си Бог, Кој не сака беззаконија; за лошиот нема место при Тебе:

⁵безбожниците нема да излезат пред очите Твои; Ти ги мразиш сите што вршат неправда.

⁶Ти ќе ги уништиш сите лажливци; од крвопиец и лукав Господ се гнаси.

⁷А јас, пак, според Твојата голема милост, ќе влезам во Твојот дом И ќе се поклонам во Твојот свет храм со страв пред Тебе.

⁸Господи, упатувај ме во Твојата правда, поради непријателите мои патот Твој пред мене порамни го.

⁹Зашто во устата нивна нема вистина; во срцето им е измама; грлото им е отворен гроб; на јазикот, пак, дволичност.

¹⁰Казни ги, Боже, нека пропаднат тие и мислите нивни; поради многуте нечестни работи отфрли ги, бидејќи Те огорчија Тебе.

¹¹Па нека се зарадуваат сите, кои се надеваат на Тебе: вечно да се радуваат оние што Ти ги закрилуваш; и да се радуваат со Тебе оние, што го сакаат името Твое.

¹²Оти Ти, Господи, го благословуваш праведникот и со оружјето на милоста Своја го закрилуваш.