Read Свето Писмо (Гаврилова) 1990 Псалми 51 Bible Online

Псалми 51 - Свето Писмо (Гаврилова) 1990 bible

Псалми 51

¹Зошто, се фалиш, силнику, со злоба? Беззаконија вршиш по цел ден.

²Јазикот твој погубни работи измислува; како наострен брич ти е — и веќе си смислил измама.

³Ти повеќе ја засака злобата отколку доброто, неправдата, отколку да говориш правда;

⁴ти, лукав јазику, засака секакви погубни зборови.

⁵Поради тоа Бог, до крај ќе те уништи, ќе те истргне и ќе те пресели од живеалиштето твое, и коренот твој — од земјата на живите.

⁶Ќе видат праведните, ќе се уплашат и ќе му се подсмеваат, па ќе речат:

⁷ете човек, кој не ја полагаше силата своја во надеж на Бога, а се надеваше на големото богатство свое, и кој сеосили во лесномисленоста своја.

⁸А јас, пак, сум во Божјиот дом како плодна маслина и се надевам на милоста Божја во сите векови.

⁹Вечно ќе Те славам за она што го направи, и ќе се надевам на името Твое, зашто тоа е благо пред светиите Твои.