Read Свето Писмо (Гаврилова) 1990 Псалми 57 Bible Online

Псалми 57 - Свето Писмо (Гаврилова) 1990 bible

Псалми 57

¹Дали навистина кажувате правда? Судите ли праведно, вие, човечки синови?

²Во срцето свое кроите беззаконие на земјата, вашите раце плетат неправда на земјата.

³Се отуѓија грешниците од мајчиното крило, се заблудеа од утробата мајчина, говорејќи лага.

⁴Јароста им е како змијски отров, како отровот на глувата аспида, која ги затнува ушите свои,

⁵и не го слуша гласот на бајачот, вражачот вешт во вражањето.

⁶Бог неке им ги скриши нивните заби во устите нивни; разби ги, Господи, челустите лавовски!

⁷Нека се разлијат како вода што истечува; ќе го растегнеш својот лак, додека не малаксаат.

⁸Како восок што се топи да се растопат, оган нека падне над нив, та сонце да не видат никогаш.

⁹Пред котлите ваши да осетат топлина од запаленото трње.

¹⁰Ќе се зарадува праведникот, кога ќе ја види одмаздата на безбожниците; ќе ги измие рацете свои во крвта на грешникот.

¹¹И ќе рече човекот: навистина има плод за праведникот! Навистина има Бог, Кој суди на земјата!