Read Свето Писмо (Гаврилова) 1990 Псалми 58 Bible Online

Псалми 58 - Свето Писмо (Гаврилова) 1990 bible

Псалми 58

¹Спаси ме од непријателите мои, Боже мој, заштити ме од оние што стануваат против мене!

²Избави ме од оние, што вршат беззаконија; спаси ме и од крвниците;

³зашто, ете, тие ја демнат душата моја; ме напаѓаат силните беа престап мој и без грев мој, Господи.

⁴Без моја вина навалија на мене; стани, излези ми во пресрет и погледај.

⁵Ти, Господи, Боже на силите, Боже Израилев, разбуди се и посети ги сите овие народи и не поштедувај ниеден од оние што вршат беззаконие.

⁶Навечер тие се враќаат, вијат како кучиња и одат околу градот.

⁷И, ете, хулат со јазикот свој; во устата имаат меч, »зашто, — си велат тие, — кој ќе чуе?«

⁸Но Ти, Господи, ќе ги исмееш; Ти ќе ги посрамиш сите народи.

⁹Силата моја во Тебе ја чувам, зашто си Ти, Боже, мој застапник.

¹⁰Мојот Бог, Кој ме милува, иде пред мене; Бог мој, Кој ми ги покажува моите непријатели.

¹¹Не убивај ги, за да не го заборават мојот народ; растури ги со силата Своја и победи ги, Господи, заштитниче мој.

¹²За гревот на устата нивна; за зборот во устата нивна некасе фатат во гордоста своја, бидејќи само клетви и лаги кажуваат.

¹³Во крајниот гнев, и нема веќе да ги има; за да увидат, дека Бог управува над Јакова и до краиштата на земјата.

¹⁴Навраќаат секоја вечер, гладуваат какокучиња, и одат околу градот;

¹⁵Тие се радуваат кога бараат храна, а кога нема да се заситат, ги поминуваат ноќите 'ржејќи.

¹⁶Јас, пак, со песна ќе ја славам Твојата сила и од рани зори ќе се зарадувам со Твојата милост, бидејќи Ти ми беше застапник мој и прибежиште во денот на мојата несреќа.

¹⁷Помошник мој си Ти, Тебе Ти пеам, зашто Ти си застапник мој, Боже мој, милост моја.