Read Свето Писмо (Гаврилова) 1990 Псалми 62 Bible Online

Псалми 62 - Свето Писмо (Гаврилова) 1990 bible

Псалми 62

¹Боже, Боже мој, кон Тебе поранувам; за Тебе зажедне душата моја. Колку пати за Тебе копнее телото мое на замјата пуста, неплодна и безводна?

²И така се појавив во Светилиштето Твое, за да ја видам Твојата сила и Твојата слава.

³Зашто милоста Твоја е подобра од животот, устата моја ќе Те фали.

⁴Така ќе Те благословувам во животот мој, и во Твое име ќе ги кревам рацете мои.

⁵Како со маст и елеј се наситува душата моја, и со радосен глас ќе те фали устата моја.

⁶Кога ќе се сетам за Тебе во постелата моја, во утринските часови за Тебе размислувам,

⁷зашто Ти си ми помошник и во сенката на Твојата закрила ќе воскликнувам.

⁸Кон Тебе се приближи душата моја, твојата десница ме поддржува.

⁹А оние кои залудно го побараа мојот живот, ќе слезат во пеколот!

¹⁰Ќе бидат поразени со силата на мечот; ќе станат плен на лисиците.

¹¹А царот ќе се зарадува во Бога, и секој ќе се фали, кој во Него се колне, бидејќи ќе им се затне устата на оние што говорат неправда.