Read Свето Писмо (Гаврилова) 1990 Псалми 67 Bible Online

Псалми 67 - Свето Писмо (Гаврилова) 1990 bible

Псалми 67

¹Нека се крене Бог, и да се распрснат непријателите Негови; да бегаат од лицето Негово оние, што Го мразат.

²Како што домот исчезнува, така да исчезнат; какошто восокот се топи од оган, така да загинат грешниците од лицето Божјо.

³А праведниците да се развеселат, да се зарадуваат пред Бога и ќе Го прославуваат во радоста.

⁴Пејте Му на Бога, пејте Му на Неговото име; направете Му пат на Оној, Кој се движи по небото; името Му е Господ, и радувајте се пред Него. Ќе се смутат од Неговото лице,

⁵Татко на сираците и судија на вдовиците; Он е Бог во Своето свето место.

⁶Бог им дава домови на осамените, ги ослободува од окови затворениците, а непокорните остануваат да живеат во пеколна пустиња.

⁷Боже, кога Ти излегуваше пред Твојот народ, кога одеше по пустињата,

⁸земјата се тресеше и небесата даваа дожд од лицето Божјо, и Синај — од лицето на Бога, на Бога Израилев.

⁹Изобилен дожд изли Ти, Боже, врз Твоето наследство, и кога тоа изнемоштуваше од труд, Ти го поткрепуваше.

¹⁰Стадата Твои живеат на неа; во Својата добрина, Боже, Ти си ја спремил за сиромасите.

¹¹Господ ќе им даде збор на гласниците со голема сила.

¹²Царот на војските е омилен и во убавината на Својот дом дели плен.

¹³Ако заспиете во пределите ваши, ќе станете како гулаби со сребрени крилја, со перја — од чисто злато.

¹⁴Кога небесниот Цар ги разбиваше царевите, снег паѓаше на Селмон.

¹⁵Гората Божја е гора богата, гора цврста, богата;

¹⁶зошто вие, гори високи, завидливо ја гледате гората, на која Бог благоволи да живее?

¹⁷Божјите коли се безброј — на илјада илјади; меѓу нив е Господ на Синај, во Светилиштето.

¹⁸Ти се возвисивисоко, плени плен, прими дарови за луѓето, така и од непокорните да можат да живеат таму.

¹⁹Нека е благословен Бог од ден во ден, ќе го помогне нашето спасение.

²⁰Нашиот Бог е Бог Кој спасува; во власта на Господа е вратата на смртта.

²¹Но Бог ќе им ги скриши главите на непријателите Свои и косестото теме на оние што остануваат во своите гревови.

²²Господ рече: од Васан ќе ги вратам, ќе ги извлечам од морските длабочини,

²³за да ти се натопи ногата твоја во крвта на непријателите и јазикот на твоите кучиња.

²⁴Го видов Твоето величествено доаѓање, Боже, доаѓањето на мојот Бог и Цар во Светилиштето:

²⁵напред одеа кнезовите, близу до пеачите, а во средината — девици со тимпани:

²⁶»Во собранијата благословувајте го Бога, Господа, вие, што сте од семето Израилево!«

²⁷Таму беше Венијамин, најмладиот; кнезовите Јудини — нивни владетели, кнезовите Завулонови, кнезовите Нефталимови.

²⁸Заповедај, Боже, со силата Твоја, зацврсти го, Боже, тоа што ни го направи нам!

²⁹Од Твојот храм во Ерусалим; царевите ќе Ти принесуваат жртви.

³⁰Скроти ги ѕверовите во мочуриштата, воловите со телињата на народите, да не бидат исклучени од искушувањето со сребро; растури ги народите кои сакаат војна.

³¹Ќе дојдат молитвеници од Египет; Етиопија порано ќе ја подаде раката кон Бога.

³²Цареви земни, појте Му на Бога, воспојте Му на Бога, на Господа,

³³Кој се возвисил на небо, на небесата на Исток. И, ете, Он на гласот Свој ќе му даде сила.

³⁴Подајте Му слава на Бога! Над Израилот е Неговото велелепие, а силата Негова на облаците.

³⁵Чудесен си Ти, Боже, во светоста Своја; Бог Израилев — Он ќе му даде сила и крепост на Својот народ. Нека е благословен Бог!