Read Свето Писмо (Гаврилова) 1990 Псалми 74 Bible Online

Псалми 74 - Свето Писмо (Гаврилова) 1990 bible

Псалми 74

¹Ќе Те фалиме Тебе, Боже, ќе Те фалиме, и ќе го призиваме името Твое.

²Ќе ги разгласувам Твоите чудеса кога ќе дојде време; ќе судам по правда.

³Ќе се заниша земјата и сите, што живеат на неа. Но Јас ги зацарив столбовите нејзини.

⁴Им реков на оние, што вршат беззаконија: не отстапувајте од законот, и на грешниците: не дигајте рог,

⁵не кревајте го високо вашиот рог, не говорете против Бога неправда,

⁶зашто издигањето не доаѓа ни од исток, ни од запад, ниту, пак, од пустите гори;

⁷но Бог е судија: едни унижува, а други возвисува.

⁸Зашто чашата е во раката на Господа, со вино немешано, добро, и Он налева од неа по ред, но талогот нема да се источи; од него ќе пијат сите грешници на земјата.

⁹Јас, пак, вечно се радувам, ќе Му пеам на Јакововиот Бог,

¹⁰ќе го скршам рогот на сите грешници, а рогот на преведниците ќе се возвиси.