Read Свето Писмо (Гаврилова) 1990 Псалми 76 Bible Online

Псалми 76 - Свето Писмо (Гаврилова) 1990 bible

Псалми 76

¹Со гласот свој повикав кон Господа, со гласот свој кон Бога, и Он ме услиши.

²Во денот на тагата моја Го побарав Бога ноќе, со издигнати кон Него раце и не се уморив; но душата моја не можеше да се утеши.

³Го спомна Бога и се развеселив, размислував и духот мој стана малодушен.

⁴Будни се очите мои, се возбудив и не можев да говорам.

⁵Размислував за првите дни, и се сетив за годините прастари, па се поучив;

⁶Размислував ноќе со срцето свое, а духот мој ме испитуваше;

⁷зар Господ засекогаш те отфрли и не сака ли повеќе да биде благонаклон, или

⁸засекогаш престанала Неговата милост, и Неговото слово се пресекло од род во род?

⁹Зар Господ заборавил на штедроста Своја? Зар во гневот Свој ќе го затвори Своето милосрдие?

¹⁰Па си реков: »Сега знам — десницата на Севишниот се изменила.«

¹¹Се сетив за делата на Господа; се сетив за Твоите први чудеса;

¹²и ќе се поучам во сите Твои дела и ќе зборувам за постапките Твои.

¹³Боже, Твојот пат е свет. Кој Бог е толку голем, како нашиот Бог!

¹⁴Ти си Бог, Кој прави чудеса; Ти ја покажа силата Своја меѓу народите;

¹⁵Ти со мишката Своја го избави Твојот народ, синовите на Јакова и на Јосифа.

¹⁶Те видоа, Боже, водите, Те видоа водите и се разбрануваа, и бездните затрепереа.

¹⁷Голем шум од води се слушаше, загрме од облаците, зашто стрелите Твои пролетуваа.

¹⁸Гласот на Твојот гром се разнесуваше по небото; светкавици ја осветлуваа вселената; земјата трепереше и се тресеше.

¹⁹Твојот пат води кон морето, но Твоите патеки во многуте води и Твоите траги не ќе се познаваат.

²⁰Ти ги водеше како овци луѓето Твои прекураката на Мојсеја и Арона.