Read Свето Писмо (Гаврилова) 1990 Псалми 80 Bible Online

Псалми 80 - Свето Писмо (Гаврилова) 1990 bible

Псалми 80

¹Радувајте се во Бога, нашиот помошник, воскликнете кон Бога Јаковов;

²запејте песна, удрете во тимпан, во милозвучно гусле со псалтир;

³затрубете со труба во новомесечје, во определено време, во денот на вашиот празник,

⁴зашто тоа е закон за Израилот, наредба од Бога Јаковов.

⁵Он го установи тоа како сведоштво за Јосифа, кога тој излезе од Египетската земја, каде што чу јазик, што не го знаеше:

⁶»Јас го симнав товарот од рамениците негови, и му ги ослободив рацете негови од кошницата.

⁷Во маката своја ти Ме повика, и Јас те избавив; при гром те чув, кај водите на Мерива те испитав.

⁸Чуј, народе Мој, и Јас ќе ти посведичам, ако Ме послушаш, Израиле!

⁹Да немаш друг бог и дане му се клањаш на друг земен бог.

¹⁰Јас сум Господ, Бог твој, Кој те изведе од Египетската земја; отвори ја устата своја, и Јас ќе ја исполнам.

¹¹Но мојот народ не го послуша гласот Мој, и Израилот не Ми се поклони;

¹²затоа Јас ги оставив на нивните упорни срца; нека одат по мислите свои.

¹³О, да беше Ме послушал Мојот народ и Израилот да одеше по Моите патишта,

¹⁴веднаш ќе ги смирев нивните непријатели и ќе ја свртев раката Своја против оние што го оскрбуваа.«

¹⁵Оние, што го мразат Господа, сакаа да Му се приближат, и нивното дружење би продолжило за секогаш;

¹⁶ќе ги хранев со најдобра пченица и ќе ги наситував со мед од камен.