Read Свето Писмо (Гаврилова) 1990 Псалми 87 Bible Online

Псалми 87 - Свето Писмо (Гаврилова) 1990 bible

Псалми 87

¹Господи, Боже на моето спасение, дење Те призивам и ноќе сум пред Тебе:

²за да дојде пред Тебе молитвата моја, приклони го увото Свое кон молбата моја, Господи,

³зашто душата моја е полна со јад и животот се приближи до адот.

⁴Се изедначив со оние, што слегуваат во гроб; станав како човек без помош — слободен меѓу мртвите;

⁵како фрлени и ранети што лежат во гроб, за кои Ти веќе не се сеќаваш; тие се оттурнани од Твојата рака.

⁶Ме положија во подземен ров, во мрак и во смртна сенка.

⁷Ја истури врз мене Твојата јарост, и со сите Свои бранови ме поразуваш.

⁸Ти ги оддалечи од мене моите познати, ме направи одвратен за нив; затворен сум и не можам да излезам.

⁹Очите мои ослабеа од сиромаштија: цел ден викам кон Тебе, Господи, ги протегам рацете кон Тебе.

¹⁰Зар на мртовци ќе правиш чуда? Зар сенките ќе се кренат и ќе Те слават?

¹¹Зар во гроб некој ќе кажува за твојата милост и за Твојата вистина — местото на распаѓањето?

¹²Зар во темнината ќе ги познаат Твоите чудеса, и во земјата на заборавот — твојата правда?

¹³Но јас повикав кон Тебе, Господи, и наутро молитвата моја Те испреварува.

¹⁴Зошто, Господи, ја оттурнуваш душата моја и го одвраќаш лицето Свое од мене?

¹⁵Јас сум несреќен и од младини се мачам; се возгордеав, се смирив и изнемоштен сум.

¹⁶Над мене се надви Твојата јарост, Твоите заплашувања наполно ме скршија.

¹⁷Секој ден ме опкружуваат како вода: сите заедно ме опседнуваат.

¹⁸Ти го оддалечи од мене ближниот и пријателот; моите познати не се гледаат.