Read Свето Писмо (Гаврилова) 1990 Псалми 90 Bible Online

Псалми 90 - Свето Писмо (Гаврилова) 1990 bible

Псалми 90

¹Кој живее пок закрилата на Севишниот, тој престојува во домот на небескиот Бог.

²И ќе Му рече на Господа: Ти си мој застапник, Ти си мое пребивалиште, Бог мој, и на Тебе ќе се надевам!

³Зашто Он ќе те избави од стапицата на ловецот, и од збор кој збунува.

⁴Со плеќите Свои ќе те осени и под крилјата Негови ќе бидеш во сигурност: како што ќе те окружува Неговата вистина.

⁵Нема да се уплашиш од ноќен страв, ни од стрела што лета дење,

⁶од суштества што одат во темнина, од зараза и од бес што опустошува напладне.

⁷Покрај тебе ќе паднат илјада, и десет илјади десно од тебе; но до тебе нема да се приближат;

⁸само ќе гледаш со очите свои и ќе ја гледаш отплатата на грешниците.

⁹Зашто, ти, си Господи, надеж моја, Севишниот го избра за Свое прибежиште;

¹⁰зло нема да Ти се случи, и невојла нема да Ти се приближи до телото Твое;

¹¹затоа што ќе им заповеда на ангелите Свои за Тебе, да Те чуваат на сите патишта Твои.

¹²Ќе Те понесат на раце, да не ја сопнеш од камен ногата Своја;

¹³на отровница и на змија ќе нагазуваш, лав и змеј ќе убиваш.

¹⁴»Бидејќи се надеваше на Мене, и ќе го избавам, и ќе го заштитам, зашто го позна името Мое.

¹⁵Ќе повика кон Мене, и ќе го чујам; со него сум во неволја; ќе го избавам и ќе го прославам,

¹⁶ќе му дадам многу денови и ќе му го јавам спасението од Мене.«