Read Свето Писмо (Гаврилова) 1990 Псалми 91 Bible Online

Псалми 91 - Свето Писмо (Гаврилова) 1990 bible

Псалми 91

¹Добро е да се слави Господ и да Му се пее на името Твое, Севишни,

²да се возвестува наутро милоста Твоја, и секоја ноќ — Твојата вистина,

³на десетострунен псалтир, со песна на гусле.

⁴Зашто Ти ме развесели, Господи, со Твоите созданија, и од делата на Твоите раце е зарадував.

⁵Колку се големи делата Твои, Господи! многу се длабоки Твоите помисли!

⁶Безумниот човек не ќе може да ги узнае, и неразумниот нема да го разбере тоа.

⁷Кога грешниците никнуваат како трева, и кренат глава оние што вршат беззаконие, тоа е за да бидат истребени засекогаш, —

⁸Ти си, Господи, Севишни секогаш!

⁹Зашто, еве, непријателите Твои, Господи, ќе пропаднат и ќе се растураат сите што вршат беззаконие;

¹⁰а мојот рог Ти го вознесуваш како рог на еднорогот, и староста моја со елеј се помазува,

¹¹и окото мое ги погледа непријателите мои, и увото мое ќе чуе за побунетите против мене беззаконици.

¹²Преведникот процути како палма, ќе се издигне како кедар ливански.

¹³Засадените во домот Господов, ќе процутат во дворовите на нашиот Бог;

¹⁴тие и во староста ќе бидат плодни, помазани и ќе живеат угодно,

¹⁵за да возвестуваат дека е праведен Господ, нашиот Бог, и дека нема неправда од Него.