Read Свето Писмо (Гаврилова) 1990 Псалми 93 Bible Online

Псалми 93 - Свето Писмо (Гаврилова) 1990 bible

Псалми 93

¹Бог Господ е одмаздник Боже на одмаздата покажи се!

²Стани, Судијо на земјава, дај им отплата на гордите.

³До кога грешниците, Господи, до кога грешниците ќе се фалат,

⁴мрморат и кажуваат неправда, до кога ќе зборуваат така сите што вршат безааконие?

⁵Го газат Твојот народ, Господи, и го озлобуваат Твоето наследство;

⁶вдовица и сирак убија, и придојден убија.

⁷па рекоа: Господ нема да види, ни Бог Јаковов нема да дознае.

⁸Вразумете се, вие што сте безумни! И дали вие, луѓе, некогаш ќе се опаметите?

⁹Оној, Кој го насадил увото, нема ли да чуе, и Оној што го поставил окото, нема ли да види?

¹⁰Оној, Кој ги вразумува народите, и Кој го учи човекот на знење, зар нема да казни?

¹¹Господ ги знае човечките мисли, знае дека се тие суетни.

¹²Блажен е оној човек, кого го казнуваш Ти, Господи, и го поучуваш на Твојот закон,

¹³за да му дадеш мир во лошите денови, додека за грешникот не се ископа гроб!

¹⁴Зашто Господ нема да го отфрли Својот народ и нема да го остави Своето наследство.

¹⁵додека правдата не се обрне во суд и по него не се држат сите прави по срце.

¹⁶Кој ќе се крене за мене против лукавите или кој ќе стои покрај мене против оние што вршат беззаконие?

¹⁷Да не ми беше помогнал Господ, душата моја брзо ќе се преселеше во адот.

¹⁸Кога ќе речев: ногата ми се поколеба, — Твојата милост, Господи, ме помагаше.

¹⁹Кога се намножуваа тешкотиите и во срцето мое, Твоите утехи ја развеселуваа душата моја.

²⁰Па зар до Тебе ќе се приближи престолот безбожнички, оној што работи спротивно на законот Твој.

²¹Ја ловат душата на преведникот и осудуват невина крв.

²²Но Господ е мое прибежиште и Бог мој — сигурност во надежта моја.

²³Он ќе го свртиврз нив нивното беззаконие, и според злобата нивна ќе ги погуби Господ Бог.