Read Свето Писмо (Гаврилова) 1990 Псалми 96 Bible Online

Псалми 96 - Свето Писмо (Гаврилова) 1990 bible

Псалми 96

¹Господ се зацари: нека се радува земјата; нека се веселат многубројните острови.

²Облак и мрак е околу Него; правда и судот се основа на Неговиот престол.

³Пред Него оган врви и ги гори непријателите Негови наоколу.

⁴Неговите молњи ја осветлуваат вселената; земјата гледа и трепери.

⁵Горите се топат како восок од лицето на Господа, од лицето на Господа, по целата земја.

⁶Небесата ја разгласуваат Неговата правда, и сите народи ја видоа Неговата слава.

⁷Нека се засрамат сите, кои се клањаат на кипови, кои се фалат со своите идоли. Поклонете Му се сите ангели Негови.

⁸Чу Сион и се зарадува, се веселат ќерките Јудини заради Твоите пресуди, Господи,

⁹зашто Ти си Господи, Севишни на целата земја, повисок си од сите богови.

¹⁰Вие, кои Го сакате Господа, мразете го злото! Ја чува Господ душата на своите светии; од раката на грешниците ќе ги избави.

¹¹Светлина засветли над предникот, а на правите по срце — радост.

¹²Радувајте се, праведни, во Господа и славете го споменот на светоста Негова.