Read Свето Писмо (Гаврилова) 1990 Мудри Соломонови Изреки 11 Bible Online

Мудри Соломонови Изреки 11 - Свето Писмо (Гаврилова) 1990 bible

Мудри Соломонови Изреки 11

¹Неисправните мерила се одвратни пред Господа, а точните мерки Нему Му се угодни.

²Ќе дојде ли гордоста, ќе дојде и срамот, но мудроста е со смирените. Праведниот, умирајќи остава сожалување; а смртта на нечестивите е ненадејна и радосна.

³Непорочноста на простодушните ќе ги раководи, а лукавството на подмолните ќе ги погуби.

⁴Богатството нема да помогне во денот на гневот, а правдата ќе спаси од смрт.

⁵Правдата на непорочниот го израмнува неговиот пат, а нечестивиот ќе падне поради својата нечесност.

⁶Правдата на простодушните ќе ги спаси, а беззакониците ќе бидат уловувани од своето беззаконие.

⁷Со смртта на нечестивиот човек, исчезнува надежта негова, и очекувањето на беззакониците загинува.

⁸Праведникот се спасува од неволја, а место него во неа паѓа нечестивиот.

⁹Лицемерниот го погубува со уста ближниот свој, а праведниците се спасуваат со знаење.

¹⁰Кога праведниците благословуваат, градот напредува, а преку устата на нечестувите се разрушува.

¹¹Со благословот на праведните градот се издига, а преку устата на нечестивите се разурушува.

¹²Малоумниот искажува презир кон ближниот свој, но разумниот човек молчи.

¹³Кој оди да озборува, издава тајна, но верниот човек ја чува тајната.

¹⁴Каде нема советување, неродот опаѓа, спасението е во многу советници.

¹⁵Кој што презема јамство за друг, зло си донесува, а кој го мрази јемството, тој е во безопасност.

¹⁶Добрата жена ја зголемува славата на мажот свој, а жената, која ја мрази правдата, е врв на нечесноста. Мрзливите се немоќни, а трудољубивите се здобиваат со богатство.

¹⁷Милосрдниот човек си прави добро на душата своја, а жестокиот по срце го руши телото свое.

¹⁸Нечестивиот врши измамлива работа, а на оној што сее правда, наградата му е вистинска.

¹⁹Праведноста води кон живот, а кој се стреми кон зло, се стреми кон смртта своја.

²⁰Подмолните по срце се одвратни пред Господа, а неопрочните во својот пат Нему Му се благоугодни.

²¹Можеш со сигурност да речеш, дека порочниот нема да остане неказент, а семето на праведните ќе се спаси.

²²Она што е златна алка на носот кај свињата, тоа е жена убава, но без разум.

²³Праведните сакаат само добро, а нечестивите ги очекува гнев.

²⁴Еден раздава штедро, и уште му се додава; а друг преку мера е штедлив, и пак е сиромав.

²⁵Добротворната душа ќе биде наситена, и кој напојува други, и тој самиот ќе биде напоен.

²⁶Кој задржува храна за себеси, него народот го проколнува; а кој ја продава — врз главата негова стои благослов.

²⁷Кој се стреми кон добро, тој бара благоволение; а кој бара зло, него и го снаоѓа.

²⁸Кој се надева на богатството свое, ќе падне; а кој се застапува за праведниците, тој ќе напредува.

²⁹Кој ја расипува куќата своја, ќе наследи ветар, а неразумниот му е слуга на мудриот.

³⁰Плодот на праведникот е дрво на животот, а безбожниците предвреме ќе бидат земени.

³¹Ако на праведникот му се плаќа на земјата, дотолку повеќе на нечестивиот и на грешникот.