Read Свето Писмо (Гаврилова) 1990 Мудри Соломонови Изреки 22 Bible Online

Мудри Соломонови Изреки 22 - Свето Писмо (Гаврилова) 1990 bible

Мудри Соломонови Изреки 22

¹Подобро е добро име, отколку големо богатство, и подобро е добра слава, отколку сребро и злато.

²Богатиот и сиромавиот се среќаваат еден со друг; и едниот и другиот ги создал Господ.

³Умниот го гледа злото и се клони; а безумните одат напред и се казнуваат.

⁴Плодови на мудроста се: стравот Господен, богатството, славата и животот.

⁵По патот на подмолниот — трње и стапици: кој ја пази душата своја, ќе бега од нив.

⁶Поучи го момчето го почетокот на патот негов: тој нема да скршне од него и кога ќе остари.

⁷Богатиот господари над сиромавиот, и должникот станува роб на заемодавецот.

⁸Кој сее неправда, ќе пожнее зло, и прачката на гневот негов ќе го удри него самиот,

⁹Господ го сака човекот, што доброволно дава, и ќе го пополни недостигот не делата негови.

¹⁰Милосрдниот ќе биде благословен, што им дава на бедните од лебот свој. Кој дава подароци, печали победа и чест, и дури овладува со душите на оние, што ги добиваат.

¹¹Истерај го подбивачот, и раздорот ќе изчезне, ќе престанат кавгата и навредите.

¹²Господ љуби чисто срце, Нему Му се пријатни оние, што одат по прави патишта; со устата своја управува царот над народот свој.

¹³Очите на Господа го чуваат знаењето, а зборовите на престапникот Он ги презира.

¹⁴Мрзливиот вели: »Лав на улицата! На патот има разбојници!«

¹⁵Устите на законопрестапниците се длабока бездна: на кого Господ ќе се разгневи, тој ќе падне во неа. Пред лошите се појавува лош пат, но тие продолжуваат да одат по него,

¹⁶Безумието на детето му е приврзано за срцето, но прачката ќе го отстрани далеку од него.

¹⁷Кој ограбува сиромав, за да го умножи богатството свое, и кој му дава на богатиот, — ќе осиромаши.

¹⁸Наклони го увото и слушај ги зборовите на мудрите, и сврти го срцето кон моите зборови, за да разбереш дека се добри.

¹⁹Зашто ќе се радуваш, ако ги пазиш во срцето свое, и ако ти бидат исто така во устата твоја.

²⁰За да биде твојата надеж во Господа, јас ти го покажувам патот твој.

²¹А ти сега запиши ги трипати, советите и поуките во срцето свое; јас те поучив на зборовите вистински и добри, ти одговарам, точно на сите твои прашања.

²²Не ограбувај сиромав, зашто тој е сиромав, и не притеснувај страдалник при портите, —

²³оти Господ ќе се застапи за нив, и ќе ја истргне душата на грабачите нивни.

²⁴Не дружи со гневлив и не оди со човек жесток,

²⁵за да не се навикнеш на нивни патишта и да не навлечеш стапица на душата своја.

²⁶Не биди од оние, што даваат рака и се заложуваат за туѓи долгови:

²⁷ако нема со што да платиш, зошто да ти ја земат постелата под тебе?

²⁸Не преместувај стари меѓи, кои твоите татковци ги поставиле.

²⁹Си видел ли вешт и искусен човек во својата работа? Тој ќе стои пред цареви, нема да стои пред прости.