Read Свето Писмо (Гаврилова) 1990 Мудри Соломонови Изреки 9 Bible Online

Мудри Соломонови Изреки 9 - Свето Писмо (Гаврилова) 1990 bible

Мудри Соломонови Изреки 9

¹Премудроста си изгради дом, ги утврди седумте столбови негови,

²ги закла своите жртви, го расточи во чаша виното свое и ја приготви трпезата своја;

³ги испрати слугите свои да огласат од градските височини:

⁴»Кој е неразумен, да наврати тука!« И на малоумните таа им рече:

⁵»Дојдете, јадете го лебот мој и пијте го виното, што сум го приготвила;

⁶оставете ја неразумноста, и ќе живеете; одете по патот на разумот.«

⁷Кој поучува бесрамник, ќе си спечали неславност, и кој го разобличува нечестивецот — дамка.

⁸Не изобличувај го бесрамникот, за да не те намрази; поучувај го мудриот, и тој ќе те засака.

⁹Дај му совет на мудриот, и тој ќе биде уште помудар; научи го праведниот, и тој повеќе ќе напредне во знаењето.

¹⁰Почеток на мудроста е стравот Господов, и познавањето на светиот е разум;

¹¹зашто преку мене ќе ти се умножат дните, и ќе ти се додадат години на животот.

¹²Синко! Ако си мудар, мудар си за себеси и за ближните свои; и ако си лош, самиот ќе страдаш. Кој се крепи на лага, тој пасе ветрови, потскокнува зад птиците што фрчат: зашто тој го оставил патот кон своето лозје и талка по патеките на нивата своја; минува преку безводна пустиња и земја, осудена да жеднее со рацете свои собира бесплодност.

¹³Жена без расудување е зборлива, безумна и ништо не разбира,

¹⁴седнува пред куќната врата на стол, по високите места на градот,

¹⁵за да им вели на минувачите, што си одат право по патот:

¹⁶»Кој е глупав, нека наврати тука«, а на малоумните им вели:

¹⁷»Крадена вода е слатка, и сокриен леб е — пријатен.«

¹⁸И тој не знае дека поканетите од неа родени на земајта умираат, и дека се во дното на пеколот. Но ти оттргни се, не задржувај се на тоа место, не запирај го погледот свој на неа; зашто само така ќе минеш преку туѓа река. Бегај од туѓа вода и не пиј од туѓ извор, за да поживееш многу време и да ти се додадат години на животот.