Read Свето Писмо (Гаврилова) 1990 Мудрост Соломонова 10 Bible Online

Мудрост Соломонова 10 - Свето Писмо (Гаврилова) 1990 bible

Мудрост Соломонова 10

¹Таа го запази прво обликуваниот татко на светот кој беше создаден еден единствен и го избави од неговото сопствено паѓање:

²таа му даде сила да владее над сѐ.

³А кога во гневот свој грешникот ќе отстапи од неа — загинува во братоубиствената омраза,

⁴Кога поради него потоп дојде, пак мудроста ја спаси земјата и праведникот го заштити на еден мал кораб.

⁵И пак, кога се народите сложни во лошо едномислие, мудроста го наоѓа праведникот и го запазува безукорен пред Бога и го пази цврст во нежноста спрема неговиот син.

⁶Кога изгинаа безбожниците, таа го спаси праведникот, кој избега од огнот што беше паднал од небото врз пет градови,

⁷од што за сведоштвото на безбожноста остана да дими опустошената земја и растенијата, чиј плод е ненавремен, а зза споменик на една неверна душа е столбот од сол, кој стои таму.

⁸Зошто тие, откако ја презреа мудроста, не само што си нанесоа повреда, затоа што не го познаа доброто, туку на живите им оставија и спомен за својата безумност, за да не можат да го сокријат она во што се беа заблуделе.

⁹А мудроста ги спасува од маки оние, кои ѝ служат.

¹⁰Таа го учеше на прави патишта избеганиот праведник од гневот на неговиот брат, му го покажа царството Божјо и му подари знаење за светињите, му помогна во маките и трудовите негови изобилно ги награди.

¹¹Кога од алчност беше навредуван, таа застана пред него и го збогати,

¹²го запази од неговите непријатели, го стави во безопасност кога подмолно го напаѓаа; во жестоката борба — победа му подари, за да знае дека побожноста е од сѐ најсилна.

¹³Таа не го остава продадениот праведник, а го спасува од грев;

¹⁴таа слегна со него, и во затворот не го остави во вериги, а потоа му донесе царски скиптар и власт над оние што го измачуваа, покажа дека се лажни обвинувањата против него и слава вечна му подари.

¹⁵Таа го ослободи народот и родот беспрекорен од неговите мачители.

¹⁶Му влезе во душата на слугата Господов и тој ги нападна страшните цареви со чуда и знаци.

¹⁷Таа ги наградува светиите за нивните трудови, по чуден пат ги води, дење им е закрил од жештината, а ноќе — ѕвездена светлина.

¹⁸Таа ги преведе преку Црвеното Море, ги преведе преку голема вода.

¹⁹А непријателите нивни ги издави, а потоа ги исфрли од длабината на бездната.

²⁰И така, праведниците им го одзедоа оружјето на неправедниците и со него го прославија името Твое, Господи, а раката Твоја победничка — еднодушно ја прославија;

²¹зашто мудроста им ја отвори устата на немите и детските јазици ги направи разбирливи.