Read Свето Писмо (Гаврилова) 1990 Мудрост Соломонова 15 Bible Online

Мудрост Соломонова 15 - Свето Писмо (Гаврилова) 1990 bible

Мудрост Соломонова 15

¹Но, Ти, Боже наш, си добар и вистински, долготрпелив и милостиво управуваш со сѐ.

²Ако и грешиме, ние сме Твои и ја признаваме Твојата власт; но ние нема да грешиме, ако знаеме дека сме признати за Твои.

³Знаењето за Тебе е полна праведност, а признавањето на Твојата власт — корен на бесмртноста.

⁴Нас не нѐ примамува лукавата човечка измислица, ниту бесплодниот труд на уметникот — ликови украсени со различни бои,

⁵погледот врз кој предизвикува кај безумните копнеж и желба кон бездушниот изглед на мртвиот лик.

⁶И оние што ги прават, и оние што ги сакаат, и оние што ги почитуваат — сите се љубители на злото и достојни за таквите надежи.

⁷Грнчарот ја гмечи меката глина и грижливо изработува секаков сад за наша потреба; од една иста глина изработува садови за чиста и за нечиста употреба — за сите еднакво; а за што ќе се употреби секој од нив — одлучува грнчарот.

⁸И бедниот мајстор од истата глина изработува ништожен бог, кој пред малку и самиот од земја беше создаден и набргу ќе се врати таму, од каде што е земен, и ќе се побара долгот на неговата душа.

⁹Но тој не се грижи затоа што треба многу да работи, ни затоа што животот негов е краток, но тој се натпреварува со мајстори што прават од злато и сребро различни изработки и се огледува на оние што работат со бакар и се гордее со своите нечистотии.

¹⁰Срцето негово е пепел, надежта негова е побезначајна од земниот прав, а животот попрезрен и од калта.

¹¹Зошто не Го својот Создател, Кој му дувнал душа делотворна и Кој му вдахнал дух на живот.

¹²Тие животот го сметаат за забава, а живеењето за трговија, зашто велат дека од сѐ треба да се извлекува придобивка, та дури и од злото.

¹³Но, таквиот знае подобро од сите, дека греши со тоа што од земја прави и садови и ликови.

¹⁴Но, најнеразумни од сите и помалоумни и од самите доенчиња — се непријателите на Твојот народ, кој го измачуваат,

¹⁵зашто ги почитуваат како богови сите пагански идоли, кои имаат очи, а не гледаат; имаат ноздри, а не мирисаат; имаат уши, а не слушаат, нивните прсти не допираат и нивните нозе не одат.

¹⁶Иако човекот ги направил, иако ги направил со својот дух, но ниеден човек не може да направи бог, сличен на себеси.

¹⁷Бидејќи смртен, со своите нечестиви раце го прави она што е мртво, затоа е над своите божества, зашто тој живеел, а тие никогаш.

¹⁸Освен тоа, тие ги почитуваат најодвратните животни, кои се по своето безумие — полоши од сите.

¹⁹Тие не се убави дури и по изглед, како другите животни, за да можат да привлекуваат кон себеси, туку се лишени од Божјата пофалба и од Неговиот благослов.