Read Свето Писмо (Гаврилова) 1990 Мудрост Соломонова 3 Bible Online

Мудрост Соломонова 3 - Свето Писмо (Гаврилова) 1990 bible

Мудрост Соломонова 3

¹А душите на праведниците се во Божја рака; до нив нема да се допре никаква мака.

²Во очите на нерзумните, тие се како умрени, а нивниот крај се сметаше за пропаст;

³и тоа што тие заминуваат од нас — како уништување, но тие живеат во мир.

⁴Зашто иако во очите на луѓето е да се накажуваат, надежта нивна полна е со бесмртност.

⁵Бидејќи малку казнети, тие ќе добијат големи блага, зашто Господ ги испитал и ги нашол достојни ѕа Себеси.

⁶Он ги проверил како злато во печка и ги примил како најсовршена жртва.

⁷Во времето на воскреснувањето, тие ќе светкаат како искри меѓу гранки.

⁸На племиња ќе им судат, над народи ќе владеат, а над нив Господ ќе царува довека.

⁹Оние што се надеваат на Него, ќе ја познаат вистината, а кои Му се верни во љубовта — ќе живеат во Него, зашто Он има милост и милосрдност ѕа Своите светии и промисла — за Своите избраници.

¹⁰А безбожниците ќе бидат казнети за своите мисли; затоа што ги презреа праведниците и што отстапија од Господа.

¹¹Оти оние што ја презираат мудроста и поуката — несреќни се и надежта нивна е празна, и трудовите — бесплодни, а делата некорисни.

¹²Нивните жени се неразумни, а децата лоши; проколнат е нивниот дом.

¹³Блазе на неродилка, која не се осквернала, која не познала незаконска постела; таа ќе добие плод — кога светите души ќе бидат наградувани.

¹⁴Блазе на евнух, кој не направил беззаконие со рака и не помислил ништо лошо против Господа; за неговата вера ќе му биде дадена посебна благодат и најпријатен дел во храмот на Господа.

¹⁵Плодот на добрите трудови е славен, а коренот на мудроста е неподвижен.

¹⁶Децата на прељубниците ќе бидат несовршени, а плодот на беззаконата постела пропаѓа.

¹⁷Макар биле и договечни, за ништо нема да ги сметаат; нивната длабока старост ќе биде без почит.

¹⁸А ако умрат рано, нема надеж, ниту имаат утеха ѕа судниот ден;

¹⁹зашто страшен е крајот на грешниот род.