Read Свето Писмо (Гаврилова) 1990 Мудрост Соломонова 9 Bible Online

Мудрост Соломонова 9 - Свето Писмо (Гаврилова) 1990 bible

Мудрост Соломонова 9

¹Воже на татковците и Господи на милоста, Кој си создал сѐ со Твоето слово.

²Кој си го создал човекот со Твојата премудрост, за да владее над Твоите созданија,

³и свето и праведливо да управува со светот и да суди со правична душам,

⁴дарувај ми ја мудроста, која седи до Твојот престол и не отфрлај ме меѓу Твоите деца,

⁵зашто јас сум Твој слуга и син на Твојата слугинка, човек слаб и кратковечен по живот, неспособен да ги сфати правдата и законите.

⁶Па и да беше некој совршен меѓу синовите човечки, без Твојата премудрост, тој не би се сметал за нешто.

⁷Ти ме избра за цар на Твојот народ, за да им судам на Твоите синови и ќерки;

⁸Ти ми рече да изградам храм на Твојата света гора и жртвеник во градот на твоето живелиште, слични на Светата Скинија, која си ја подготвил од самиот почеток.

⁹Со Тебе е премудроста, која ги знае твоите дела, таа беше таму кога си го создавал светот, знае што е годно пред твоите очи и што е право според твоите заповеди.

¹⁰Испрати ја од твоите свети небеса, испрати ја од престолот на Твојата слава, за да ми помага во моите трудови и да знам што е угодно пред Тебе;

¹¹зашто таа сѐ знае и сѐ разбира мудро ќе ме раководи во моите работи и во својата слава ќе ме запази;

¹²тогаш и делата Мои ќе Ти бидат угодни, и справедливо ќе управувам со народот и достоен ќе бидам за престолот на мојот татко.

¹³Зашто Кој човек може да ги познае Божјите намери! Кој може да знае што Му е угодно на Господа!

¹⁴Колебливи се мислите на смртниците, погрешни се нашите помисли,

¹⁵бидејќи гнилежното тело ѝ тежи на душата, а таа земна колиба го притиска умот наш — преполн со грижи.

¹⁶Одвај можеме да го сфатиме она што е на земјата, со мака го разбираме и она што е во нашите раце, а што има на небесата — кој испитал?

¹⁷А Волјата твоја кој ќе ја познае, ако Ти мудроста не си ни ја дал и одозгора не ни го беше испратил Твојот Свет Дух?

¹⁸Само така се исправија патиштата на земните жители, само така луѓето се научија за она што Ти е угодно Тебе,

¹⁹и се спасија преку мудроста.