Read Свето Писмо (Гаврилова) 1990 Мудрост Сирахова 32 Bible Online

Мудрост Сирахова 32 - Свето Писмо (Гаврилова) 1990 bible

Мудрост Сирахова 32

¹Страв Господен. Ако те стават за распоредник на трпезата, не погодувај се; биди меѓу другите како еден од нив.

²Погрижи се за нив, па потоа седни. Кога ќе ја свршиш целата работа, заземи го твоето место,

³за да се веселиш заедно со нив и за добрата работа пофалба да добиеш.

⁴Разговорот води го ти, старешино — зашто тоа и ти прилега,

⁵но тоа прави го одмерено и не прекинувај ја музиката.

⁶Кога ќе те слушаат — не говори долго и премногу не мудрувај.

⁷Каков е печатот од рубин, опкован со злато, таква е пријатноста на музиката при почерпка со вино.

⁸Каков е печатот од смарагд окован со злато, таква е пријатноста на песната со вкус на вино.

⁹Кажи, момче, ако затреба, само два збора, и тоа само кога ќе те прашаат.

¹⁰Кажи го главното, кажи многу со малку зборови; биди како оној што многу знае, а умее да молчи.

¹¹Кога си со големци, не прави се голем како нив; кога зборува друг, не зборувај ти.

¹²Пред громот оди секавицата, а пред скромниот човек — оди милоста.

¹³Навреме станувај и не биди последен; побрзај дома и не застанувај.

¹⁴Таму забавувај се и прави сѐ што сакаш, но со срамен збор не греши.

¹⁵А за сето ова Создателот прославувај Го; Тој те наситува со сите добрини.

¹⁶Кој од Бога страв има — тој и поука прима; кој од рано утро Него Го бара — благослов од него добива.

¹⁷Кој законот го бара — со него се исполнува; а лицемерот од него ќе се сопне.

¹⁸Оние што страв од Господа имаат, ќе бидат оправдани. Нивните добри дела како светлина ќе засветлат.

¹⁹Грешникот од изобличување бега; според своите желби — извинување бара.

²⁰Разумен човек не презира совет, а неразумен и горделив не знае за страв, дури и тогаш кога неразумно постапил.

²¹Без размислување не прави ништо, а кога ќе направиш нешто не кај се.

²²По пат опасен не оди, за да не се препнеш и да паднеш.

²³Не верувај му многу и на рамен пат; немај доверба ни во своите деца.

²⁴Во сите твои дела верувај ѝ на својата душа; тоа е извршување на заповедите.

²⁵Кој во законот верува, на неговите заповеди се покорува, и на Господа кој се надева, зло нема да претрпи.