Read Свето Писмо (Гаврилова) 1990 Мудрост Сирахова 49 Bible Online

Мудрост Сирахова 49 - Свето Писмо (Гаврилова) 1990 bible

Мудрост Сирахова 49

¹Јошијаху. Последните цареви и пророци. Зоровавел и Јошијаху. Неемија. Споменот за Јошијаху е како мирзлив темјан, приготвен од вешт мироварец;

²во секоја уста ќе биде сладок како мед и како музика, на гозба при служење со вино.

³Тој направи сѐ за обраќањето на народот и ги истреби одвратностите на беззаконието;

⁴кон Господа срцето свое го сврти и во тоа безбожно време побожноста е засили.

⁵Освен Давид, Езекија и Јошијаху, сите тешко згрешија,

⁶зашто тие го напуштија законот на Севишниот и јудејските цареви ги снема,

⁷зашто силата своја им ја предадоја на други и славата своја — на туѓи народи.

⁸Избраниот град на светињата беше изгорен и улиците негови беа опустошени, како што претскажал Еремија.

⁹Него го жалостеа, иако тој беше осветен за пророк, да искоренува, да соборува и да уништува, како и да гради и да сади.

¹⁰Језекил го виде јавувањето на славата, која му ја покажа Бог во херувимска кола;

¹¹за непријателите напомнуваше во вид на дожд и добро им најавуваше на оние, кои ги исправуваа своите патишта.

¹²И дванаесетте пророци — коските да им процутат во нивните гробови! — Јакова го утешуваа и го спасуваа со својата вистинска надеж.

¹³И Зоровавел како да го прославиме? И тој е како прстен на десната рака,

¹⁴а исто така и Исус, Јоцадаковиот син, тие во своето време изградија дом и го востановија светиот храм на Господа, за вечна слава предодреден.

¹⁵Голем е споменот и на Неемија, кој ги изгради паднатите градски ѕидови и постави врати и резиња, а ги обнови и урнатите куќи.

¹⁶Немало на земјата никој од создадените како Енох; тој беше однесен жив од земјата,

¹⁷и не се родил маж како Јосиф, глава на браќата, поткрепа на народот; и коските негови беа почитувани.

¹⁸И Шем и Шет меѓу луѓето беа славени, но Адам е над сите живи созданија.