Read Свето Писмо (Гаврилова) 1990 Мудрост Сирахова 5 Bible Online

Мудрост Сирахова 5 - Свето Писмо (Гаврилова) 1990 bible

Мудрост Сирахова 5

¹Богатството и неумереноста. Не надевај се на твоето богатство и не вели: »Доста ми е додека сум жив.«

²Не оди по своите желби и по твојата сила; не следи ги страстите на своето срце;

³не вели: »Кој што ми може?« — зошто Господ ќе те казни.

⁴Не вели: »Ете, згрешив па што ми стана?« Знај дека Господ е долготрпелив.

⁵Не надевај се толку на тоа дека ќе ти биде простено; не натрупувај грев врз грев.

⁶Не вели: »Милоста на Господа е голема: Тој ќе ми ги прости многуте мои гревови;«

⁷зашто и милоста и гневот се во Него; Неговиот гнев се исипува врз грешниците.

⁸Не задоцнувај да се вратиш кај Господа, не одложувај го од ден на ден твоето обраќање;

⁹зашто, ненадејно ќе дојде Божјиот гнев и ти; ќе загинеш во времето на одмаздата.

¹⁰Не надевај се на имоти неправедни зашто тие нема да ти помогнат кога неволјата ќе те посети.

¹¹Не веј на секој ветар и не оди по сите патеки; тоа го прави лицемерен грешник.

¹²Биди одлучен во твите убедувања; зборот твој да биде еден.

¹³Биди поготвен да слушаш, и добро обмисли пред да одговориш.

¹⁴Ако знаеш, одговори му на својот ближен, а ако не знаеш, стави ја раката на својата уста.

¹⁵И славата и срамот доаѓаат од зборовите; во јазикот на човекот е неговата пропаст.

¹⁶Не биди клеветник и со јазикот свој не поставувај стапици.

¹⁷Крадецот го чека срам, а лицемерецот — тежок укор.

¹⁸Не бивај неразумен ни во големите, ниту во малите работи.