Read Свето Писмо (Гаврилова) 1990 Мудрост Сирахова 6 Bible Online

Мудрост Сирахова 6 - Свето Писмо (Гаврилова) 1990 bible

Мудрост Сирахова 6

¹Пријателството и поуките на мудроста. Од пријател не станувај непријател; лошото име донесува срам и прекор, истото станува и со дволичните грешници.

²Не гордеј се во помислите на својата душа, за да не биде таа раскинта како вол;

³да не си ги искинеш лисјата, плодовите да не ги загубиш и да не останеш како дрво исушено.

⁴Лукавата душа го погубува својот господар и го прави за подбив на неговите непријатели.

⁵Благиот збор ги умножува пријтелите; слаткоречивоста го зајакнува пријателството.

⁶Онеи што живеат со тебе во мир, нека бидат многумина, но еден од илјада нека биде твој советник.

⁷Ако сакаш да придобиеш пријател, долго проверувај го; немај веднаш доверба во него.

⁸Некој ти е пријател само кога има потреба од тебе, а те напушта во денот на твојата неволја;

⁹има пријател што станува непријател; твојата срамота на видело ќе ја изнесе.

¹⁰Некој ти е пријател додека седи на твојата трпеза, но те напушта кога си во неволја;

¹¹Додека ти е добро ќе биде со тебе, дури и кон твоите слуги ќе се однесува гордо,

¹²но ако бидеш понижен, тој ќе се дигне против тебе и ќе се крие од твоето лице.

¹³Бегај од твоите непријатели, и биди внимателен спрема пријателите.

¹⁴Верниот пријател е сигурна заштита; кој го нашол — нашол големо богатство.

¹⁵Верниот пријател нема цена; добрината негова нема крај.

¹⁶Вистинскиот пријател е лек за животот; него ќе го најдат оние што имаат страв од Господа.

¹⁷Кој има страв од Господа, тој наоѓа вистинско пријателство; каков е тој — таков станува и неговиот пријател.

¹⁸Синко, учи од твојата младост; така во староста твоја ќе ја најдеш мудроста.

¹⁹Приоѓај кон неа како орач и како сејач и очекувај ги нејзините добри плодови,

²⁰зашто, малку време ќе се трудиш во нејѕиното обработување, а набргу ќе јадеш од нејзините плодви.

²¹За неупатените таа е многу груба, а и неразумниот не истрајува во неа;

²²таа ќе го притиска како тежок камен и тој не ќе се двоуми што побргу да ја отфрли.

²³Премудроста одговара на своето име и на малкумина се открива.

²⁴Послушај ме, синко, прими ја мојата поука и не отфрлај го советот мој.

²⁵Стави ги нозете свои во веригите нејзини, а на вратот свој — нејзиниот јарем.

²⁶одметни го грбот свој под неа и носи ги нејзините вериги и тие да не ти пречат.

²⁷Приближи се до неа со сета своја душа; со сета своја сила оди по нејзините патишта.

²⁸Истражувај и барај, и ќе ја запознаеш; кога ја најдеш, пак, не оставај ја никогаш.

²⁹Зашто најпосе во неа ќе го најдеш твојот спокој и таа ќе стане радост за тебе.

³⁰Нејзините окови ќе ти бидат силна заштита, а нејзините вериги — прославена облека.

³¹Нејзиниот јарем е златен накит, а веригите нејзини — пурпурни нишки.

³²Ќе ја носиш како свечена облека; како венец на радост — на главата твоја ќе ја ставиш.

³³Синко, ако ја посакаш — можеш да се научиш; ако ѝ се предадеш со сета душа — за сѐ способен ќе бидеш.

³⁴Ќе ја разбереш — ако ја слушаш со љубов; ако се потрудиш — разумен ќе бидеш.

³⁵На старците собирот посетувај го; здогледаш ли мудрец — прилепи се до него; слушај го секој збор што доаѓа од Бога; ни една мудра изрека да не пропуштиш.

³⁶Ќе видиш ли разумен човек, од рано оди кај него; стапалата твои нека го тријат неговиот праг.

³⁷Размислувај за повелбите на Господа и постојано исполнувај ги Неговите заповеди; Тој ќе го укрепи твоето срце и ќе ја добиеш саканата премудрост.