Read Свето Писмо (Гаврилова) 1990 Исаија 15 Bible Online

Исаија 15 - Свето Писмо (Гаврилова) 1990 bible

Исаија 15

¹Пророштвото за Моав. Така! Ноќе ќе биде разорен Ар — Моав и уништен; така! Ноќе ќе биде разорен Кир — Моав и уништен!

²Тој се искачува во храмот девонски за да плаче на височина; Моав липа над Невон и Медев; сите тие се со истрижени глави, сите со избричени бради.

³По улиците негови се препашуваат со вреќишта; по покривите негови и плоштадите сите плачат, во солзи тонат.

⁴Пишти Есевон и Елеала; гласот нивни се слуша дури до Јаца; по нив и војниците на Моав плачат, душата му се бранува во него.

⁵Плаче моето срце за Моав; бегаат од него кон Сигор, до третата Егла; се искачуваат со плачење на Лухит; по хоронаимскиот пат креваат страшен вик;

⁶зашто водите на Нимрим пресекнаа, ливадите се исушија, тревата изгоре, зеленило не остана;

⁷затоа тие ги пренесуваат од онаа страна на Арабиската река остатоците од имотот и она, што го собрале.

⁸Оти писокот се разнесува по сите предели на Моав, плачот негов стигнува дури до Еглаим, плачот негов стигнува до Беер — Елим;

⁹бидејќи водите на Димон се наполнија со крв, и Јас ќе испратам врз Димон уште нешто ново, — лавови врз избеганите од Моав и против другите во земјата.