Read Свето Писмо (Гаврилова) 1990 Исаија 4 Bible Online

Исаија 4 - Свето Писмо (Гаврилова) 1990 bible

Исаија 4

¹Во оној ден седум жени ќе се фатат за еден маж и ќе речат: »Свој леб ќе јадеме и своја облека ќе носиме, доста е само да се нарекуваме со твоето име, — симни го од нас срамот наш.«

²Во оној ден фиданката Господова ќе се јави во убавина и чест, а плодот на земјата — во величие и слава, за спасените синови Израилеви.

³Тогаш другите на Сион и измачените во Ерусалим — сите, запишани како да живеат во Ерусалим, ќе се нарекуваат свети,

⁴кога Господ ќе ја измие нечистотијата на ќерките сионски и ќе ја исчисти крвта на Ерусалим од средината негова со дух, кој суди и со дух, кој пали.

⁵И ќе направи Господ над секое место на Сион гора и над собранијата и дење облак и дим, а ноќе — блесок од пламнат оган; зашто слава ќе покрива сѐ.

⁶И ќе има шатор за сенка дење од припек и засолниште и заклон од лошо време.