Read Свето Писмо (Гаврилова) 1990 Левит 14 Bible Online

Левит 14 - Свето Писмо (Гаврилова) 1990 bible

Левит 14

²»Еве го законот за лепрозен, кога се извршува неговото очистување: во денот кога треба да го доведат кај свештеникот.

³Свештеникот треба да излезе надвор од населбата, па ако увиди дека тој се исцерил од лепрата,

⁴да нареди за оној што се очистил да се замат две чисти живи птици, кедрово дрво, црвениот јаток и исоп.

⁵Потоа свештеникот да заповеда да се заколе една од приците над глинен сад, над изворска вода;

⁶и да ја земе живата птица, кедровото дрво, црвениот јаток и исопот, и да ги натопи нив и живата птица во крвта на птицата заклана над живата вода,

⁷и попрскувајќи го седумпати оној, што се очистил од лепрата, да го прогласи за чист, а живата птица да ја пушти в поле на слобода.

⁸Оној, што се очистил, да ги испере алиштата свои, да ја истриже сета коса, да се измие со вода, и ќе биде чист; потоа да влезе во населбата и да престои седум дена надвор од домот свој.

⁹На седмиот ден да се избричат сите влакна на главата, на брадата, на веѓите — сите влакна да ги избричат и да ги испере алиштата, потоа да го измие телото свое со вода, и ќе биде чисто;

¹⁰на осмиот ден да земе две машки јагниња, едногодишни, без недостаток, и една овца едногодишна без мана како и три десетини од ефа пченично помешано брашно со елеј, со лебен принос, и една мерка елеј.

¹¹Свештеникот, што ќе го врши очистувањето, да го претстави оној што се очистува заедно со приносот пред Господа при влезот од скинијата на сведоштвото.

¹²И ќе го земе свештеникот едното јагне и ќе го приведе како жртва за престап, и мерка со елеј, а ќе го принесе тоа, положувајќи ги пред Господа;

¹³и ќе го заколе јагнето на она место, каде што се колат жртвите сепалеции поради грев, и тоа на свето место, зашто жртвата за грев како и за престап му припаѓа на свештеникот: тоа е светост над светостите.

¹⁴И свештеникот ќе земе од крвта на жртвата за престап и ќе го намаже крајчето од десното уво на оној кој се очистува, и палецот на десната рака, и палецот на десната нога.

¹⁵Потоа свештеникот ќе земе елеј од чашата и ќе го излие во својата лева рака,

¹⁶Па ќе го натопи својот десен прст во елејот што му е во левата рака, и со прстот ќе попрска од елејот седумпати пред Господа,

¹⁷а со остатокот од елејот, што му е во раката, ќе го намачка крајчето од десното уво на оној што се очистува, и палецот на десната нога, и палецот на десната рака, на оние места каде што е крвта од жртвата поради престап.

¹⁸Преостанатиот, пак, елеј, што му е во раката на свештеникот, тој ќе го излие врз главата на оној што се очистува; и свештеникот ќе се помоли за него пред Господа.

¹⁹Потоа свештеникот ќе ја принесе жртвата за грев и ќе се помоли за оној што се очистува од гревот свој, а потоа ќе ја заколе жртвата сепаленица.

²⁰и ќе ги принесе жртвата сепаленица и лебниот принос на жрвеникот пред Господа; потоа свештеникот ќе се помоли за него и тој ќе се очисти.

²¹Ако е, пак, сиромав и не е во можност, тој нека земе едно едногодишно јагне за она во што престапил, за да се помоли свештеникот за него, и еден десетти дел од ефа пченично брашно, помешано со елеј, како лебен принос, и една чаша со елеј,

²²и две грлици или два млади гулаба, што ќе најде, — едната од тие птици да е жртва за грев, а другата како жртва сепаленица.

²³На осмиот ден, за да се очисти, да му ги донесе тој на свештеникот при вратата од скинијата на сведоштвото, пред Господа.

²⁴Свештеникот ќе го земе јагнето како жртва за престап и мерката со елеј, за да ги принесе, како жртва пред Господа.

²⁵И, штом ќе го заколе јагнето како жртва за престап, свештеникот ќе земе од крвта на жртвата за престап и ќе го намаже крајчето од десното уво на оној, кој се очистува, и палецот на десната рака, и палецот на десната нога.

²⁶А од елејот свештеникот ќе излие во својата лева рака;

²⁷и со десниот прст, од елејот што му е во раката, да попрска седумпати со прст пред Господа.

²⁸И да го намаже свештеникот со елеј, од оној што му е во раката, крајчето на десното уво на оној што се очистува, и палецот на десната рака, и палецот на десната нога, на она место каде што е крвта од жртвата за престап.

²⁹Остатокот, пак, од елејот што му е во раката, да ги излие врз главата на оној што се очистил, и да се помоли за него пред Господа.

³⁰Потоа нека ја принесе свештеникот едната грлица, или едниот млад гулаб, каков што ќе најде, оној, кој се очистува;

³¹едната птица жртва за грев, а другата жртва сепаленица заедно со лебникот принос; и нека се помоли пред Господа за оној, кој се очистува.«

³²Тоа е законот за оној што добил лепра, а при чистењето нема доволно средства.

³³И им рече Господ на Мојсеја и на Арона, велејќи:

³⁴»Кога ќе влезете во земјата Хананска, што ви ја давам да ја владеете, и испратам лепра во куќите што ќе бидат ваши,

³⁵тогаш оној, чија е куќата, треба да отиде кај свештеникот и да каже — во мојата куќа се појави рана.

³⁶А свештеникот ќе нареди куќата да се изпразни пред да влезе тој за да ја прегледа заразата, за да не стане нечисто сѐ што е во куќата, потоа свештеникот ќе влезе и ќе ја прегледа куќата.

³⁷И тој, кога ќе ја прегледа раната и види дека заразата по ѕидовите на куќата се состои од зеленикави или црвеникави длабнатинки и по својот изглед се всадила во ѕидовите,

³⁸тој, тогаш ќе излезе од куќата низ вратата, а куќата ќе ја затвори за седум дена.

³⁹А во седмиот ден кога ќе се врати, и види дека заразата се проширила по ѕидовите на куќата,

⁴⁰ќе нареди да се извадат камењата на кои има зараза, и да ги фрлат надвор од населбата, на нечисто место;

⁴¹а куќата одвнатре целата да ја истружат и струганиците да ги исфрлат надвор од населбата, на нечисто место;

⁴²И да земат други камења и да ги стават на местото на извадените и со друга мачканица да ја измачкаат куќата.

⁴³Ако заразата пак се појави и почне да се шири по куќата, откако се извадени камењата и куќата е истругана и премачкана,

⁴⁴свештеникот, штом ќе влезе и види дека заразата се раширила по куќата, во таа куќа има лепра — нечиста е.

⁴⁵Таа куќа да се урне, а камењата и дрвата и целата струганица од мачканицата на куќата да се изнесат надвор од населбата, на нечисто место.

⁴⁶Оној што ќе влегува во таа куќа, додека е таа затворена, нечист ќе биде до вечерта;

⁴⁷а оној што ќе спие во таа куќа да ја испере облеката своја и нечист да е до вечерта; а кој ќе јаде во таква куќа, и тој треба да ја испере облеката свој и нечист ќе е до вечерта.

⁴⁸Ако, пак, свештенкот дојде и види дека заразата во куќата не се раширила, откако е куќата премачкана, нека ја очисти куќата, бидејќи заразата поминала.

⁴⁹А за да ја очисти куќата, ќе земе две чисти живи птици, кедрово дрво, црвен јаток и исоп,

⁵⁰и ќе ја заколе едната птица во глинен сад над изворска вода.

⁵¹Потоа тој ќе го земе кедровото дрво и исопот, црвеникот јаток и живата птица и ќе ги натопи во крвта од закланата птица и во изворската вода, и ќе ја попрска куќата седумпати,

⁵²и ќе ја очисти куќата со крвта од птицата и со живата вода, со живата птица и кедровото дрво, со исопот и со црвениот јаток;

⁵³потоа живата птица да ја пушти во полето на слобода, надвор од населбата, да се помоли за домот и домот ќе биде чист.

⁵⁴Тоа е законот за секоја зараза од лепра и за друга проказа,

⁵⁵и за лепра по облеката и по куќите, и за оток, и за лишај, и за пеги, —

⁵⁶за да се знае кога се нечисти, а во кој ден ќе бидат чисти: ова е законот за лепра.«