Read Свето Писмо (Гаврилова) 1990 Јеремија 1 Bible Online

Јеремија 1 - Свето Писмо (Гаврилова) 1990 bible

Јеремија 1

¹Зборовите на Јеремија, — синот на Хелкија, еден од свештениците кој живееше во Анатот, во земјата Венијаминова, —

²кому му беше упатено слово Господово во времето на Јосија, син на јудејскиот цар Амон, во тринаесеттата година од царувањето негово,

³а и во деновите на Јоакима, синот на јудејскиот цар Јосија, до крајот на единаесеттата година од царувањето на Седекија, син на јудејскиот цар Јосија, додека не беше преселен во Ерусалим во петтиот месец.

⁴И би до мене слово Господово:

⁵»Пред да те обликувам во утробата, Јас те познав, и пред да излезеш од утробата, те посветив: те поставив за пророк на народите.«

⁶Јас, пак, одговорив: »О, Господи Боже, не умеам да говорам, зашто сум уште млад.«

⁷Но Господ ми рече: »Не вели: — млад сум; — зашто до сите, до кои ќе те испратам, ќе одиш, и сѐ, што ќе ти заповедам, ќе кажеш.

⁸Не плаши се од нив; зашто Јас сум со тебе, за да те избавам«, рече Господ.

⁹И ја протегна Господ раката и се допре до устата моја; и ми рече Господ: »Ете, Јас ги ставив Моите зборови во устата твоја.

¹⁰Гледај, Јас те поставив денес над народи и царства, за да искоренуваш и разурнуваш, да погубуваш и да разрушуваш, да ѕидаш и да насадуваш.«

¹¹И пак би слово Господово до мене: »Што гледаш, Јеремиј?« Одговорив: »Гледам гранка од бадемово дрво.«

¹²Господ ми рече: »Добро гледаш, зашто Јас бдеам над Моето слово, за да се изврши тоа скоро.«

¹³И по вторпат би слово Господово кон мене: »Што гледаш?« Одговорив: »Гледам котел што врие, а отворот му е спрема север.«

¹⁴И ми рече Господ: »Од север ќе навлезе злото врз сите луѓе што живеат на земјата.

¹⁵Зашто, ете, Јас ќе ги свикам сите племиња на северните царства — вели Господ — и тие ќе дојдат, и секој ќе го постави престолот свој при влезот на ерусалимските порти, околу сите ѕидишта негови и во сите јудејски градови.

¹⁶И ќе го изречам судот Свој врз нив за сите нивни беззаконија, зашто што Ме оставија и кадеа темјан на други богови и им се поклонуваа на идоли, дела од нивните раце.

¹⁷А ти препаши ги бедрата свои и стани, та кажи им сѐ, што ќе ти заповедам; не биде малодушен пред нив, за да не те поразам пред очите нивни.

¹⁸И ете, Јас те поставив денес како утврден град, како железен столб и како бакарен ѕид против сите цареви јудини и кнезовите на целата таа земја, против свештениците негови и против народот на таа земја.

¹⁹Тие ќе војуваат против тебе, но нема да те победат; зашто Јас сум со тебе, за да те избавувам« — вели Господ.