Read Свето Писмо (Гаврилова) 1990 Осија 13 Bible Online

Осија 13 - Свето Писмо (Гаврилова) 1990 bible

Осија 13

¹Кога Ефрем зборуваше, сите трепереа. Тој беше издигнат во Израилот; но беше згрешил со Ваала, а затоа загина.

²А сега го умножуваат гревот: направија идоли излеани од сребро, онака како што сами ги разбираа — уметничка работа — па им велат на луѓето да принесуваат жртви и да ги целиваат телињата.

³Поради тоа тие ќе бидат како утрена магла, како роса, што брзо исчезнува, како плева што ветар ја однесува од гумното, како дим од димник.

⁴Но Јас сум Господ, твојот Бог. Од земјата Египетска — и ти не треба да имаш друг Бог освен Мене, нема Спасител освен Мене.

⁵Јас те познав во пустињата, во засушената земја.

⁶Па, имајќи пасишта, тие беа сити; а кога се заситуваа, срцето им се возгордуваше, и поради тоа Мене Ме забораваа.

⁷И Јас ќе бидам како лав за нив, како лавче што демне покрај пат.

⁸Ќе напаѓам врз нив како мечка, чии мечиња се грабнати: ќе им ги истргнувам срцата нивни и ќе ги изедам таму како лавица, полските ѕверови ќе ги раскинуваат.

⁹Ти пропаѓаш, Израиле, зашто само во Мене е твојата потпора.

¹⁰Каде ти е сега царот? Каде се твоите судии, за кои велеше: »дај ни цар и началници!«

¹¹Јас ти дадов цар во гневот Свој, но ти го одзедов во јароста Своја.

¹²Врзано е беззаконието на Ефрема, останат е гревот негов.

¹³Родилни маки ќе претрпи; тој е неразбран син, инаку не би останал во положба на тукушто родено дете.

¹⁴Од власта на пеколот ќе ги откупам, од смртта ќе ги избавам. Смрт — каде ти е силата? Каде ти е тебе, пеколу, победата? За тоа нема да се покажам.

¹⁵Иако е Ефрем плоден меѓу браќата, но ќе дојде источен ветар, ќе се крене ветрот Господен од пустињата, и ќе го пресуши изворот негов, тој ќе го однесе богатството од сите сокровишта.