Read Свето Писмо (Гаврилова) 1990 Осија 6 Bible Online

Осија 6 - Свето Писмо (Гаврилова) 1990 bible

Осија 6

¹Во болката своја тие од рано утро ќе Ме бараат и ќе велат: да одиме и да се вратиме кон Господа, зашто Он ќе нѐ рани, и Он ќе нѐ исцели, ќе нѐ порази — и ќе ни ги преврзе раните наши;

²ќе нѐ оживее за два дена, а во третиот ќе нѐ подигне, и ние ќе живееме пред лицето Негово.

³И така, сега да се стремиме да Го познаеме Господа; појавата Негова е како утрена зора, и Он ќе дојде при нас како дожд; како доцен и ран дожд ќе ја наполни земјата.

⁴Што да ти направам, Ефреме? Што да ти направам, Јудо? Чесноста ваша е како утрена магла и како роса што брзо исчезнува.

⁵Затоа Јас ги поразив преку пророците и ги биев со зборови од устата Своја, и судот Мој е како светлина што ќе изгрева.

⁶Оти Јас сакам повеќе милост, а не жртва, и познавање на Бога, отколку жртва сепаленица.

⁷А тие, како Адам, го нарушија заветот, и таму Ме изневерија.

⁸Галад е град на беззаконици, испрскан со крв.

⁹Како разбојници го дочекуваат човека така, здружени свештеници убиваат по патот за Сихем и вршат лоши работи.

¹⁰Во домот Израилев гледам ужасни работи; таму Ефрем блудствува, Израилот се извалка.

¹¹И за тебе, Јудо, е определена жетва кога ќе го повратам од ропството Мојот народ.