Read Свето Писмо (Гаврилова) 1990 Амос 8 Bible Online

Амос 8 - Свето Писмо (Гаврилова) 1990 bible

Амос 8

¹Вакво видени ми откри Господ Бог: ете, кошница со зрели плодови.

²И ми рече Он: што гледаш, Амосе? Одговорив: кошница со зрели плодови. Тогаш Господ ми рече: му дојде крајот на Мојот народ Израилот — нема повеќе да му проштевам.

³Песните во дворците во оној ден ќе се претворат во ридање, вели Господ Бог; ќе има многу трупови, ќе ги фрлаат насекаде молчешкум.

⁴Чујте го ова, вие, кои жедувате да проголтате бедни и да погубите сиромаси,

⁵вие, кои велите: — кога ќе мине месечието, за да продаваме жито, и сабота, за да ги отвориме житниците, да ја намалиме мерката, да ја зголемиме цената на сиклата и да измамуваме со лажни мерки,

⁶да купуваме сиромаси со сребро и бедни за два чевела, и да продаваме отсевки?

⁷Се заколна Господ во славата на Јакова: навистина нема никогаш да заборавам ниту едно од делата негови!

⁸Нема ли да се затресе земјата од тоа и нема ли да заплаче секој жител на неа? Таа целата ќе се разбранува како река и ќе се подига и ќе се спушта како реката египетска.

⁹И во оној ден, вели Господ Бог, ќе направам сонцето да зајде попладне и ќе ја помрачам земјата среде бел ден,

¹⁰ќе ги претворам празниците ваши во тага и сите ваши песни — во плач; ќе ставам вреќишта на сите бедра и ќелавост — на секоја глава, и ќе создадам во земјата плач како за син единец, и крајот ќе ѝ биде како тажен ден.

¹¹Ете, настапуваат дните, вели Господ Бог, кога ќе испратам на земјата глад, не глад за леб, не жед за вода, туку жед за слушање зборови Господови.

¹²И ќе одат од море до море, ќе скитаат од север до исток, барајќи го словото Господово, и нема да го најдат.

¹³Во оној ден ќе премираат од жед убавите девојки и момчиња.

¹⁴Они што се колнат во гревот Самариски и велат: жив е твојот бог, Дане, така да ни е жив и патот за Вирсавија! Тие ќе паднат и веќе нема да се кренат.