Read Свето Писмо (Гаврилова) 1990 Броеви 29 Bible Online

Броеви 29 - Свето Писмо (Гаврилова) 1990 bible

Броеви 29

¹»Во седмиот месец, првиот ден од месецот, треба да ви биде особено свет; никаква работа не вршете; тоа да ви биде ден на трубни знаци;

²и принесете сепаленица за благопријатен мирис на Господа: едно теле од говедата, еден овен, седум едногодишни јагниња, без надостаток;

³а заедно со нив и жртва од пченично брашно, поднесено со елеј, три десетини од ефа за телето, две десетини од ефа за овенот,

⁴една десетина од ефа за секое од седумте јагниња,

⁵и еден козел од козите како жртва за грев, за да се палат за вас.

⁶Освен новомесечните сепаленици и приносите за нив, и преливите нивни, и секогашните сепаленици со нивните приноси и преливи според наредбите, треба да бидат со благопријатен мирис за Господа.

⁷И десеттиот ден од тој седми месец треба да ви биде посебно свет: смирувајте ги душите свои и никаква работа не вршете;

⁸а принесете сепаленици за благопријатен мирис на Господа: едно теле, еден овен, седум едногодишни јагниња; тие треба да бидат без недостаток;

⁹и заедно со нив и принос од пченично брашно, поднесено со елеј, три десетини од ефа за теле, две десетини од ефа за овен,

¹⁰и по една десетина од ефа за секое од седумте јагниња,

¹¹како и еден козел од козите — жртва за грев, за да се помолат за вас, освен жртвите за грев, што се принесуваат во денот на очистувањето, и освен постојаните сепаленици и приносите со нив и преливите за нив, што се принесуваат според наредбите, и жртва на Господа со благопријатен мирис.

¹²И петнаесеттиот ден од седмиот месец треба да ви биде особено свет: никаква работа не вршете и празнувајте го тој празник Господов седум дена:

¹³и принесете сепаленица, жртва за благопријатен мирис на Господа: во првиот ден тринаесет телиња, два овна, четиринаесет едногодишни јагниња; тие треба да бидат без недостаток;

¹⁴И жртва од пченично брашно, претставена со елеј, три десетини од ефа за секое од тринесетте телиња, две десетини од ефа за секој овен,

¹⁵по една десетина од ефа за секое едно од четиринаесет јагниња

¹⁶и еден козел од козите жртва за грев, освен постојаната сепаленица принос како и прелив за неа.

¹⁷А на вториот ден принесете: дванаесет телиња, два овна, четиринаесет едногодишни јагниња, без недостаток,

¹⁸и со нив уште и принос и прелив за телињата, овните и јагнињата, според бројот нивни, според наредбите;

¹⁹исто така и козел еден од козите — жртва за грев, освен постојаната сепаленица со приносот и прелив за нив.

²⁰На третиот ден, пак, принесете: единаесет телиња, два овна, четиринаесет едногодишни јагниња, без недостаток,

²¹а со нив принос и прелив за телињата, овните и јагнињата, според бројот нивни, според наредбите;

²²исто така и еден козел од козите жртва за грев, покрај постојаната сепаленица со приносот и прелив за неа.

²³На четвртиот ден принесете: десет телиња, два овна, четиринаесет едногодишни јагниња, без недостаток,

²⁴со нив и принос и прелив за телињата, овните и јагнињата, според бројот нивни, според наредбите,

²⁵а покрај тоа и еден козел — жртва за грев, освен постојаната сепаленица и приносот и преливот за неа.

²⁶И на петтиот ден принесете жртва: девет телиња, два овна, четиринаесет едногодишни јагниња, без недостаток,

²⁷и со нив донесете уште и принос и прелив за телињата, овните и јагнињата, според бројот нивни, според наредбите,

²⁸а и козел еден — жртва за грев, покрај постојаната сепаленица и приносот, уште и прелив за неа.

²⁹И на шестиот ден пак, принесете: осум телиња, два овна, четиринаесет едногодишни јагниња, без недостаток,

³⁰а со нив и принос како и прелив за телињата, овните и јагнињата, според бројот нивни, според наредбите;

³¹а исто така и еден козел од козите — жртва за грев, покрај постојаната сепаленица и принос и уште и прелив за неа.

³²Во седмиот ден принесете: седум телиња, два овна, четиринаесет едногодишни јагниња, без недостаток,

³³и со нив уште принос и прелив за телињата, овните и јагнињата, според бројот нивни, според наредбите,

³⁴а и козел еден како жртва за грев, освен постојаната сепаленица и принос како и прелив за неа.

³⁵Во осмиот ден е крај на празникот: никаква работа не вршите;

³⁶а принесете сепаленица, жртва со пријатен мирис на Господа: едно теле, еден овен, седум едногодишни јагниња без недостаток,

³⁷и заедно со нив принос и прелив за телето, за овенот и за јагнињата, според бројот нивни според наредбите;

³⁸освен тоа уште и еден козел — жртва за грев, покрај постојаната сепаленица, приносот и преливот за неа.

³⁹Принесувајте го тоа на Господа на вашите празници, освен заветите ваши и благодарностите ваши, и сепалениците ваши и жртвите ваши уште и жртви за спасението ваше.«