Read Свето Писмо (Гаврилова) 1990 Броеви 33 Bible Online

Броеви 33 - Свето Писмо (Гаврилова) 1990 bible

Броеви 33

¹Ете тоа се населбите на синовите Израилеви, што излегоа од Египетската земја според својот состав, под водството на Мојсеја и Арона.

²По заповедта на Господа Мојсеј го опиша нивните патувања и престојувањата нивни, и еве ги престоите на нивното патување.

³Од Рамзес тие тргнаа во првиот месец, на петнаесеттиот ден од првиот месец, — утрината по Пасха излегоа синовите Израилеви под висока рака пред очите на сите Египтјани;

⁴а во тоа време Египтјаните ги погребуваа сите првородени, што ги порази Господ меѓу нив, и над боговите нивни Господ беше извршил суд.

⁵Така тргнаа синовите Израилеви од Рамзес и се сместија во Сокхот.

⁶Потоа појдоа од Сокхот и се сместија во Вутан, кој е дел од пустињата.

⁷Се кренаа од Вутан, и се упатија при изворот Ирот, кој е спроти Веелсепфан, и се сместја спрема Мигдол.

⁸Откога тргнаа од Ирот, минаа преку морето во пустињата, и патуваа три дена по пустињата, и се сместија во Мера.

⁹И се кренаа од Мера, пристигнаа во Елим; а во Елим имаше дванаесет водни извори и седумдесет финикови дрвја, и таму се сместија до водите.

¹⁰Потоа појдоа од Елим и се сместија крај Црвеното Море.

¹¹И тргнаа од Црвено Море и се сместија во пустињата Син.

¹²Па се кренаа од пустињата Син и се сместија во Рафак.

¹³Од Рафак заминаа и дојдоа во Елус.

¹⁴Тргнаа од Елус и се сместија во Рафидин, а таму немаше вода да пие народот.

¹⁵Појдоа од Рафидин и се сместија во Синајската пустиња.

¹⁶Заминаа од Синајската пустиња и се сместија покрај гробовите на страстите.

¹⁷Тргнаа од гробовите на страстите и се сместија во стан на Асирот.

¹⁸Од Асирот појдоа и се сместија во Ратам.

¹⁹Потоа се кренаа од Ратам и се сместија во Ремнон-Фарес.

²⁰Појдоа од Ремнон-Фарес и се сместија во Лемнон.

²¹Од Лемнон заминаа и се сместија во Ресан.

²²Тргнаа од Ресан и се сместија во Макелата.

²³Се кренаа од Макелата и се сместија во Арсафат.

²⁴Тргнаа од планината Арсафат и се сместија во Харад.

²⁵Тргнаа од Харад и се сместија во Макидад.

²⁶Од Макидад се кренаа и се сместија во Катад.

²⁷Тргнаа од Катад и се сместија во Тарад.

²⁸Појдоа од Тарад и се сместија во Мадек.

²⁹Заминаа од Мадек и се сместија во Аселнон.

³⁰Од Аселнон тргнаа и се сместија во Масурут.

³¹Тргнаа од Масурут и се сместија во Банакан.

³²Заминаа од Банакан и се сместија во гората Гадад.

³³Се кренаа од гората Гадат и се сместија во Етеват.

³⁴Појдоа од Етеват и се сместија во Еврон.

³⁵Тргнаа од Еврон и се сместија во Гесион-Гавер.

³⁶Од Гесион-Гавер тргнаа и се сместија на стан во пустињата Син, па се кренаа од пустињата Син, и се сместија во пустињата Фаран, која е и Кадес.

³⁷Појдоа од Кадес и се сместија во планината Ор, близу до земјата Едомска.

³⁸Тогаш по заповед на Господа свештеникот Арон се искачи на планината Ор и умре таму на четириесеттата година по излегувањето на синовите Израилеви од Египетската земја, во петтиот месец, на првиот ден од месецот;

³⁹Арон имаше сто и дваесет и три години кога умре на планината Ор.

⁴⁰Тогаш царот на Арад, еден од хананските цареви, кој живееше на југ во Хананската земја, чу, дека идат синовите Израилеви.

⁴¹И тие тргнаа од планината Ор и се сместија во Селмон.

⁴²Појдоа од Селмон и се сместија во Финон.

⁴³Се кренаа од Финон и се сместија во Овот.

⁴⁴Потоа заминаа од Овот и се сместија во Гај, од спротива на пределите Моавски.

⁴⁵Тргнаа од Гај и се сместија во Девон-Гад.

⁴⁶Појдоа од Девон-Гад и се сместија во Гелмон-Девлатаим.

⁴⁷Се кренаа од Гелмон-Девлатаим и се сместија во Аваримската гора спроти Навав.

⁴⁸Тргнаа од Аваримската планина и се сместија во западен Моав, крај Јордан, спроти Јерихон;

⁴⁹и се кренаа од западен Моав, па се сместија во Јордан меѓу Есимот и Велсатим во западен Моав.

⁵⁰Тогаш му рече Господ на Мојсеја во западен Моав, во Јордан кај Јерихон, велејќи:

⁵¹»Кажи им на синовите Израилеви и речи им: кога ќе минете од оваа страна на Јордан во Хананската земја,

⁵²погубете ги од пред себе сите жители на оваа земја, разрушете ги сите нивни храмови и сите излеани идоли, разрушете ги и сите нивни жртвеници, разорете ги;

⁵³погубете си живо во таа земја и завладејте ја и населете се во неа, зашто Јас ви ја давам таа земја да ја владеете;

⁵⁴и поделете ја земјата со жреб на делови меѓу вашите племиња: на многубројните дајте им поголем дел, а на малубројните дајте им помал дел; како кому ќе му се падне жребот, таму да му биде и делот; земете си делови според родовите на таткоците ваши.

⁵⁵Ако, пак, не ги поразите од пред себе жителите на земјата, тогаш оние што ќе останат, ќе бидат трн во очите ваши и бодила во слабините ваши и ќе ве притеснуваат во земјата каде што ќе живеете,

⁵⁶и тогаш, она што мислев да им го направам ним, ќе ви го направам вам.«