Read Свето Писмо (Гаврилова) 1990 Захарија 3 Bible Online

Захарија 3 - Свето Писмо (Гаврилова) 1990 bible

Захарија 3

¹Потоа ми го покажа тој Исуса, Големиот архиереј, Кој стоеше пред ангелот Господен, и сатаната, кој стоеше од Неговата десна страна, за да Му се противставува.

²И му рече Господ на сатаната: »Господ да те укори, Господ да ти забрани, Оној Кој го избра Ерусалим. Зар не е Он гламја истргната од оган?«

³А Исус беше облечен во извалкана облека и стоеше пред ангелот,

⁴кој им одговараше и на оние што стоеја пред него, и им рече: »Соблечете ја од него извалканата облека; и нему лично: ете, ја отфрлив од тебе вината твоја и те облекувам во торжествена облека.«

⁵Потоа рече: »Ставете Му на главата чист кидар« и — Му ставија на главата чист кидар и го облекоа во торжествена облека. А ангелот Господен стоеше.

⁶И ангелот Господен, сведочејќи, му рече на Исуса:

⁷вака вели Господ Саваот: »Ако одиш по патиштата Мои и ако бидеш Моја стража, ќе му судиш на Мојот дом и ќе ги вардиш дворовите Мои. И Јас ќе ти дозволам да одиш меѓу тие луѓе што стојат овде.

⁸Но, послушај, Исусе, голем архиереју, ти и браќата твои, што се пред твоето лице, оти тие луѓе се познати. Еве, Јас ќе го доведам Својот слуга — Зачетникот.

⁹Оти, ете, тој е каменот што го поставуавам пред Исуса, на тој единствен камен има седум очи; ете, Јас ќе го изделкам на него ликот негов, вели Господ Саваот, и ќе го простам гревот на оваа земја во еден ден.«

¹⁰Во тој ден, вели Господ Саваот, ќе се поканувате еден со друг под лозата и под смоквата.