Read Свето Писмо (Гаврилова) 1990 3. Ездра 13 Bible Online

3. Ездра 13 - Свето Писмо (Гаврилова) 1990 bible

3. Ездра 13

²ете, од морето се издигна ветар, за да ги раздвижи сите негови бранови.

³Гледав, и ете, излезе силен маж со неброено воинство; насекаде, каде се свртуваше неговото лице, за да погледне, сѐ што се гледаше под него — трепереше;

⁴и каде и да одеше гласот од неговата уста, се вжештуваа и се топеа сите, кои го слушаа неговиот глас, како што се топи восок кога ќе почувствува оган.

⁵Потоа видов: еве, се собра безбројно мноштво луѓе од четирите небески ветрови, за да го победат тој маж, кој се беше издигнал од морето.

⁶Видов, ете, тој изваја голема гора и полете на неа.

⁷Настојував да ја видам таа страна или тоа место, откаде беше извајана таа гора, но не можев.

⁸Потоа видов како сите оние, што се собрале да го победат — дека многу се уплашија, но сепак се осмелија да војуваат.

⁹А тој кога виде, дека, мноштвото со стремеж доаѓа, не крена рака, не држеше ни копје, ниту некакво воено оружје;

¹⁰но тој, како што видов, испушташе од својата уста нешто како огнен издив, низ своите усни некакво пламено дишење, а од јазикот свој испушташе искри и бури, и сето тоа се слеа во едно: огнен здив, пламено дишење и силна бура.

¹¹Тој со устрем го нападна тоа мноштво, што се беше приготвило да војува, па ги изгоре сите, така што од безбројното мноштво ништо не се виде, освен прав и мирис од дим и страв ме опфати.

¹²Потоа го видов истиот маж како слегува од гората и како повикува едно друго, мирно мноштво.

¹³Многумина пристапија при него, едни со весели лица, други со тажни, едни беа врзани, а други беа доведувани, — А и јас речиси премалев од страв, се разбудив и реков:

¹⁴»Ти од почетокот ми ги покажа овие чуда мене, на Твојот слуга, и ме најде достоен да ја примиш мојата молитва;

¹⁵па покажи ми го и значењето на овој сон.

¹⁶Зашто, како што разбирам со разумот свој, тешко на оние што ќе бидат оставени во тие дни, а уште потешко на оние што не се оставени,

¹⁷бидејќи оние, што не се оставени, беа нажалени.

¹⁸Сега разбирам, дека она, што е оставено за последните дни, ќе ги сретне нив, како и оние, кои се оставени.

¹⁹Затоа тие се најдоа во големи опасности и во големи маки, како што покажуваат соновите.

²⁰Но за овој, кој е во опасност, полесно е да го види тоа, отколку да мине како облак од овој свет и да не го види она што ќе стане во последните времиња.« Тој ми одговори и рече:

²¹»Ќе ти го кажам значењето на видението и ќе ти го откријам и она за што говореше ти.

²²Бидејќи ти говореше за оние што се оставени, еве ти го објаснението:

²³оној што ќе ја издржи опасноста во она време, тој ќе биде запазен, а оние што ќе паднат во опасност, тоа се оние што имаат дела и вера во Сесилниот.

²⁴И така, знај, дека оние што се оставени, поблажени се од умрените.

²⁵А еве го објаснението на видението: бидејќи ти го виде мажот што се издигнуваше од среде море,

²⁶тоа е оној, кого Севишниот го пази долго време, кој преку самиот себеси ќе го избави Своето создание и ќе ги раководи оние што се оставени.

²⁷А тоа што виде дека од неговата уста како да излегуваше ветар, огин и бура,

²⁸и дека тој не држеше ни копје, ниту некое друго воено оружје, но дека неговиот стремеж го уништи мноштвото кое беше дојдено за да го победи, еве го објаснението за ова:

²⁹еве, настануваат дните, кога евишниот ќе почне да ги избавува оние што се на земјата,

³⁰и ќе направи да се вчудовидат оние што живеат на земјата,

³¹и ќе започнат војна едни против други, град против град, област против област, народ против народ, царство против царство.

³²Кога ќе стане сето тоа и се појават знаците што ти ги покажав пред малку, тогаш ќе се покаже Мојот Син, Кого ти го виде како маж, Кој се издигнува.

³³И кога сите народи ќе го чујат Неговиот глас, секој од нив ќе ја остави војната што ја водат во својата земја и што ја водат едни против други,

³⁴и ќе се соберат во едно собрание безбројно мноштво, кое како да ќе сака да појде и да го победи.

³⁵Он ќе застане на врвот од гората Сион.

³⁶А Сион ќе дојде и ќе им се покаже приготвен и уреден на сите, како што ја виде и ти гората извајана без раце.

³⁷И Мојот Син ќе ги изобличи беззаконијата, измислени од тие народи, кои преку своите лиши помисли ги приближија бурата и маките, со кои ќе почнат да се измачуваат,

³⁸и кои што се слични на оган; Он без труд ќе ги истреби со закон, Кој е сличен на огнот.

³⁹А тоа што виде дека Он го собира при Себе другото, мирно множество,

⁴⁰тоа се дестте племиња, кои беа одведени пленици од својата земја во деновите на царот Осија, кого го одведе во ропоство Аирскиот цар Салманасар, ги преведе од другата страна на реката, беа одведени во друга земја.

⁴¹А тие во својот совет решија да го остават мноштвото незнабошци и да отидат во далечна земја, каде што никогаш човечки род не живеел,

⁴²за да ги пазат таму законите свои, кои не ги пазеа во својата земја.

⁴³Преку тесни клисури се приближуваа до реката Еуфрат;

⁴⁴Сесилниот тогаш напарви чудо: ги сопре речните жили додека тие преминуваа;

⁴⁵а затоа што низ таа земја минуваа долго — година и половина, таа земја се нарекува Арсарет.

⁴⁶Тие живееја таму до неодамна. И сега, кога ќе почнат да пристигнуваат,

⁴⁷Севишниот пак ќе им ги сопре жилите на реката, за да можат тие да преминат; затоа ти го виде мирното множество.

⁴⁸но оставените од Мојот народ се оние, кои се најдоа внатре во Моите предели,

⁴⁹зашто кога ќе почне да го истребува мноштвото народи собрани заедно, Он ќе го заштити Својот народ, кој ќе остане.

⁵⁰И тогаш ќе им покаже многу чуда.«

⁵¹Јас реков: »Господи Владико, објасни ми го тоа зошто го видов мажот да излегува од сред море?«

⁵²А Он ми одговори и рече: »Како што не можеш да го испиташ и да го познаеш она што е во морската длабочина, така никој на земјата не може да го види Мојот Син, ниту оние што се со Него, освен во времето на Неговиот ден.

⁵³Еве ти го толкувањето на сонот што го виде, преку кој само ти овде си просветен.

⁵⁴Ти си ги оставил своите дела, и си го извршувал Мојот закон и си го испитувал,

⁵⁵бидејќи твојот живот си го уредил мудро, а разумноста си ја нарекол своја мајка,

⁵⁶Затоа Јас ти ги покажав наградите од Севишниот; по три дни ќе ти покажам нешто друго и ќе ти откријам нешто важно и чудно.«

⁵⁷Тогаш јас појдов и излегов во полето, славејќи го Севишниот и благодарејќи Му многу за чудесата што ги извршуваше одвреме — навреме,

⁵⁸и затоа што Он управува со сегашноста и со тоа што ќе настане низ времињата, и таму останав три дена.