Read Свето Писмо (Гаврилова) 1990 Лука 3 Bible Online

Лука 3 - Свето Писмо (Гаврилова) 1990 bible

Лука 3

¹Во петнаесеттата година од владеењето на ќесарот Тибериј, кога Понтиј Пилат беше управител во Јудеја, а Ирод — четворовласник над Галилеја, и Филип брат му, четворовласник во Итуреја и Трахонитската област, и Лисаниј — четворовласник во Авилинија,

²при првосвештениците Ана и Кајафа, му рече Бог на Јована, синот Захариев, во пустината.

³И тој го обиколи целиот крај околу Јордан, проповедајќи покајно крштавање за проштавање на гревовите,

⁴како што е напишано во Книгата, според зборовите на пророкот Исаија, кој вели: »Гласот на оној, што вика во пустината: пригответе го патот на Господа и рамни правете ги патеките Негови;

⁵секоја долина нека се исполни и секоја планина и секој рид нека се снизат; кривините нека се исправат и нерамните патишта нека се израмнат,

⁶и секое тело ќе го види спасението Божјо!«

⁷А на луѓето, што доаѓаа при него да ги крсти, им велеше: »Породи змиини, кој ве научи да бегате од гневот што иде?

⁸Но родете плодови достојни за покајание и не почнувајте да зборувате во себе: ‚Го имаме таткото Авраама!‘ Зашто ви велам, дека Бог може и од овие камења да издигне чеда на Авраама.

⁹Оти веќе и секирата стои кај коренот на дрвјата; и секое дрво, што не дава добар плод, се сече и фрла во оган.«

¹⁰И го прашаа луѓето, велејќи: »Тогаш што треба да правиме?«

¹¹А тој им одговори и рече: »Кој има две облеки, нека му даде на оној што нема; а кој има храна, нека го прави истото.«

¹²Дојдоа и митници да се крстат од него и му рекоа: »Учителе, што да правиме?«

¹³А тој им рече: »Не барајте повеќе, отколку што е определено.«

¹⁴Го прашаа и некои војници, говорејќи: »А што да правиме ние?« И им рече: »Никого не присилувајте, никого не клеветете, и бидете задоволни со вашите плати.«

¹⁵А на луѓето што чекаа и си помислуваа во срцата свои за Јована да не е тој Христос,

¹⁶Јован им одговараше на сите, велејќи: »Јас ве крштавам со вода; но иде посилен од мене, Кому не сум достоен да Му ги одврзам ни ремчињата на обувките Негови: Он ќе ве крсти со Дух Свети и со оган.

¹⁷Нему му е лопатата во раката Негова и Он ќе го очисти гумното Свое, и ќе го собере житото во житницата Своја, а плевата ќе ја изгори со неизгаслив оган.«

¹⁸И уште многу друго му проповедаше на народот, утешувајќи го.

¹⁹А Ирод четворовласникот, укорен од него заради Иродијада, жената на брата му, и заради сите лоши работи што ги беше направил,

²⁰покрај сето тоа уште и го затвори Јована во темница.

²¹А кога се крсти сиот народ, и кога Исус, по крштавањето, се помоли на Бога, се отвори небото,

²²и Светиот Дух слезе на Него во телесен вид, како гулаб, и се чу глас од небото, кој велеше: »Ти си Мојот возљубен Син, во Тебе е Мојата волја.«

²³Кога почна Исус да проповеда имаше околу триесет години и беше, како што мислеа, син Јосифов, Илиев,

²⁴Мататов, Левиин, Малхиев, Јанаев, Јосифов,

²⁵Мататиев, Амосов, Наумов, Еслимов, Нагеев,

²⁶Маатов, Мататиев, Семеиев, Јосифов, Јудин,

²⁷Јоананов, Рисаев, Зоровавелов, Салатиилев, Нириев,

²⁸Мелхиев, Адиев, Косамов, Елмодамов, Иров,

²⁹Јосиев, Елиезеров, Јоримов, Мататов, Левиин,

³⁰Симеонов, Јудин, Јосифов, Јоананов, Елијакимов,

³¹Мелеаев, Маинанов, Мататаев, Натанов, Давидов,

³²Јесеев, Овидов, Воозов, Салмонов, Наасонов,

³³Аминадавов, Арамов, Есромов, Фаресов, Јудин,

³⁴Јаковов, Исаков, Авраамов, Тарин, Нахоров,

³⁵Серухов, Рагавов, Фалеков, Еверов, Салин,

³⁶Каинанов, Арфаксадов, Симов, Ноев, Ламехов,

³⁷Матусалов, Енохов, Јаредов, Малелеилов, Каинанов,

³⁸Еносов, Ситов, Адамов, Божји.