Read Свето Писмо (Гаврилова) 1990 1. Коринтјаните 13 Bible Online

1. Коринтјаните 13 - Свето Писмо (Гаврилова) 1990 bible

1. Коринтјаните 13

¹Да зборувам на сите човечки јазици, па дури и на ангелски, штом љубов немам, ќе бидам бакар, што ѕвони, или кимвал, што ѕвечи.

²Да имам пророчки дар и да ги знам сите тајни, да ги имам сите знаења за сите работи, а и така силна вера, што и планини да преместувам, — ако љубов немам, ништо не сум.

³И да го раздадам целиот свој имот, да позволам телото да ми изгори, — штом љубов немам, ништо не ми користи.

⁴Љубовта е долготрпелива, полна со добрина, љубовта не завидува, љубовта не се превознесува, не се гордее,

⁵не прави што е непристојно, не бара свое, не се срди, не мисли зло,

⁶на неправда не се радува, а на вистина се радува,

⁷сѐ извинува, во сѐ верува, на сѐ се надева, сѐ претрпува.

⁸Љубовта никогаш не престанува, а другото, ако се пророштва, ќе престанат; ако се јазици — ќе замолкнат; ако се знаења — ќе исчезнат.

⁹Оти по нешто знаеме и по нешто пророкуваме;

¹⁰а кога ќе дојде совршеното, тогаш ќе исчезне делумното.

¹¹Кога бев дете, зборував како дете, како дете мислев, како дете размислував; а кога станав маж, го оставив детинското.

¹²Сега гледам нејасно како во огледало, а тогаш — лице во лице; сега знам нешто, а тогаш ќе знам како што сум познат.

¹³А сега остануваат овие три работи: верата, надежта и љубовта; најголема меѓу нив е љубовта.