Read Свето Писмо (Гаврилова) 1990 1. Коринтјаните 2 Bible Online

1. Коринтјаните 2 - Свето Писмо (Гаврилова) 1990 bible

1. Коринтјаните 2

¹И јас, браќа, доаѓајќи при вас, дојдов да ви го соопштам Божјото сведоштво не со возвишена проповед или мудрост,

²бидејќи не сметав дека е добро меѓу вас да знам нешто друго освен за Исуса Христа, и тоа — Распнатиот.

³И јас меѓу вас бев во немоќ, и страв, и во голем трепет.

⁴И словото мое, и проповедта моја, не се состоеше во убедливи зборови на човечка мудрост, туку во пројава на Духот и силата,

⁵та верата ваша да се утврди не во човечка мудрост, туку во силата Божја.

⁶Мудрост, пак проповедаме меѓу совршените, но не мудрост од овој век, ниту, пак, онаа на преодните господари од овој свет,

⁷туку ја проповедаме Божјата премудрост, тајна сокриена, која Бог ја предодредил уште пред вековите за наша слава,

⁸која никој од господарите на овој свет не ја познал; зашто, ако ја беа познале, тогаш немаше да Го распнат Господа на славата.

⁹Но, како што е напишано: »Што око не виде, уво не чу, ниту на човека на ум му падна, тоа Бог го приготвил за оние, кои Го сакаат.«

¹⁰А нам, пак, ни го откри тоа Бог преку Својот Дух, зашто Духот испитува сѐ, па дури и длабините Божји.

¹¹Бидејќи, кој човек знае, што има во човекот, освен човечкиот дух, кој живее во него? Па така, и Божјото не го знае никој, освен Божјиот Дух.

¹²Но ние не го примивме духот од овој свет, туку Духот, Кој иде од Бога, за да го знаеме она, што ни е дарувано од Бога;

¹³па тоа и го проповедаме не со зборови, научени од човечка мудрост, туку научени од Светиот Дух: толкувајќи го она што е духовно на духовни луѓе.

¹⁴Душевниот човек не го прима она, што е од Божјиот Дух; за него тоа е безумство; и не може да го разбере, оти треба духовно да се испита.

¹⁵Духовниот, пак, човек испитува сѐ, а него никој не го испитува.

¹⁶Зашто, кој го познал умот Господов, та да го објасни? А ние имаме ум Христов.