Read Свето Писмо (Гаврилова) 1990 1. Солунјаните 1 Bible Online

1. Солунјаните 1 - Свето Писмо (Гаврилова) 1990 bible

1. Солунјаните 1

¹Од Павла, Силуана и Тимотеја — до солунската црква во Бога Отецот наш и во Господа Исуса Христа!

²Секогаш Му благодариме на Бога за сите вас, спомнувајќи ве во молитвите наши

³и непрестајно го помниме делто на вашата вера, трудот на вашата љубов и трпеливоста на надежта ваша во нашиот Господ Исус Христос пред Бога и Отецот наш.

⁴Знаеме, возљубени браќа, за вашиот избор од Бога,

⁵зашто нашето Благовестие кон вас беше не само со слово, туку и со сила и со Светиот Дух, и со голема увереност: сами знаете какви бевме за вас помеѓу вас.

⁶И вие се угледавте на нас и на Господа, кога во големи маки со радост го примивте словото од Светиот Дух,

⁷така што станавте образец за сите верници во Македонија и Ахаја.

⁸Оти од вас одекна словото Господово не само во Македонија и Ахаја, туку и во секое место се пронесе славата за верата ваша во Бога, така што нема потреба ние нешто да зборуваме.

⁹Зашто, верниците сами разгласуваат за нас, какво беше нашето доаѓање при вас, и како од идолите се обрнавте кон Бога, за да Му служите на живиот и вистински Бог,

¹⁰и да Го очекувате од небесата Неговиот Син, Кого Он Го воскресна од мртвите, Исуса, Кој нѐ избави од идниот гнев.