Read Свето Писмо (Гаврилова) 1990 1. Солунјаните 4 Bible Online

1. Солунјаните 4 - Свето Писмо (Гаврилова) 1990 bible

1. Солунјаните 4

¹И така, браќа, ве молиме и советуваме во Христа Исуса, онака, како што научивте од нас како треба да постапувате и да Му угодите на Бога, како што и постапувате, повеќе во тоа да успевате;

²зашто знаете какви заповеди ви дадовме од Господа Исуса.

³Ова е волјата Божја: да бидете осветени, да се воздржувате од блудство,

⁴и секој од вас да знае да го пази својот сад во светост и чист,

⁵а не во похотна страст, како незнабошците, кои не Го познаваат Бога,

⁶и да не престапува и го измамува во тоа братот свој; бидејќи Господ за сето тоа се одмаздува, како што ви зборувавме и сведочевме порано.

⁷Оти Бог не нѐ призва кон нечистота, туку кон светост.

⁸А кој го отфрла тоа, тој отфрлува не човек, туку Бога, Кој Го даде Својот Дух Свети во нас.

⁹За братољубието, пак, нема потреба да ви пишувам, оти вие сами сте научени од Бога да се сакате еден со друг,

¹⁰бидејќи така и постапувате со сите браќа по цела Македонија. И ве молиме, браќа, уште повеќе да преуспевате,

¹¹и усрдно да се грижите да живеете тихо, да си ја гледате работата и да работите со сопствените свои раце како што ви заповедавме;

¹²да се држите чесно спрема надворешните и да немате потреба од никого.

¹³Браќа, не сакам да не знаете за умрените, за да не жалите како и другите, што немаат надеж.

¹⁴Оти, ако веруваме дека Исус умре и воскресна, тоа и упокоените во Исуса Бог ќе ги приведе со Него.

¹⁵Ова, пак, ви го велиме преку словото Господово, дека ние, живите, што ќе останеме до доаѓањето на Господа, нема да ги испревариме умрените,

¹⁶бидејќи Сам Господ со заповед, при глас на архангел и при труба Божја, ќе слегне од небото, и најнапред ќе воскреснат мртвите;

¹⁷а потоа, ние, што сме останале живи, заедно со нив ќе бидеме грабнати на облаците, за да се сретнеме со Господа во воздухот, и така секогаш ќе бидеме со Господа.

¹⁸Па затоа, утешувајте се еден друг со тие зборови.