Read Свето Писмо (Гаврилова) 1990 Исус Навин 13 Bible Online

Исус Навин 13 - Свето Писмо (Гаврилова) 1990 bible

Исус Навин 13

¹Кога Исус остаре и беше во напредна возраст, Господ му рече: »Ти остаре и веќе си во напреднати години, а останува уште многу да се завладее.

²Остануваа уште овие земји: сите филистимски предели, Гесур и Ханан,

³ненаселениот ханански крај од Египет дури до границите на Акарон на север, им припаѓа на пет филистимски области: Газа, Азот, Аскалонит, Гет Акаронит и Евеја.

⁴Од Теман, пак, целата Хананска земја спрема Газа и Сидон, до Афек, дури до аморејските граници.

⁵исто така целата земја Гавла филистимска и целиот Ливан од исток, од Галгал, што е под планината Ермон, до влезот во Емат.

⁶Сите планински жители од Ливан до Масерфот — Маим, сите сидонци Јас ќе ги изгонам пред синовите Израилеви. Па раздели му ја со жреб на Израилот, како што ти заповедав;

⁷раздели ја оваа земја сега како дел од наследството на деветте племиња и на племето Манасиево — од Јордан дури до Големото Море на запад; ним дај им ја: Големото Море нека биде граница.«

⁸А племето Рувимово и Гадово, со другото полуплеме Манасиево, го добија својот дел од Мојсеја од онаа страна на Јордан, на исток, како што им беше дал Мојсеј, слугата Господов,

⁹од Ариор, кој е до устието на потокот Арнон, и градот, кој е среде долината, и целиот Мисор од Медаван;

¹⁰исто така сите градови на аморејскиот цар Сион, кој царуваше во Есевон дури до пределите на амонитските синови,

¹¹како и Галад и Гесурската и Мехадската област, и целата планина Аермон и целиот Васан до Елхи,

¹²целото царство Огово во Васан, кој царуваше во Астарот и во Едраин. Тој сам остана од исполините, кого Мојсеј го порази и уби.

¹³Но Израилевите синови не ги изгонија жителите на Гесур и Махад и Ханан, и Ресурците и Махатците жевеат меѓу Израилот и до ден денешен.

¹⁴Само на Левиевото племе не му даде наследство; Господ, Израилевиот Бог, е негово наследство, како што му беше рекол Господ; а ова се деловите, што им ги определи Мојсеј на синовите Израилеви според племињата нивни во Аравот Моавски од онаа страна на Јордан, спроти Јерихон:

¹⁵на племето на Рувимовите синови според родовите нивни Мојсеј им даде дел:

¹⁶нивните предели беа од Ариор, што е спрема долината Арнонска, и градот, што е во долината Арнонска,

¹⁷и сета земја Мисорска дури до Есевон и Девор и Вамот Вал,

¹⁸И Јаса, и Кадимот, и Мифат, и

¹⁹Кариатем, и Севам и Сард,

²⁰и Сиор на планината Енак, и Бетфагор, и Асидот — Фасга, и Витсимут;

²¹сите градови Мисорски и целото царство на аморејсиот цар Сион, кој царуваше во Есевон, и кого го уби Мојсеј, како и мадијамските старешини Евија, и Роком, и Сур, Ур и Ровек, сиорски кнезови, што живееја во таа земја;

²²исто така и врачот Валаам, Веоровиот син, го убија со меч Израилевите синови во борбата.

²³Предел на Рувимовите синови беше Јордан. Тоа беше делот на Рувимовите синови според племињата нивни, — градовите и селата нивни.

²⁴Мојсеј им даде наследство и на Гадовите синови, според племињата нивни:

²⁵нивни предели беа Јазир и сите галадски градови и половината од земјата на Амоновите синови до Ароир, што е пред Рават;

²⁶и земјите од Есевон до Рамот кај Масфе и Вотаним и Манаим до Дивировите предели,

²⁷а и во Емек Витарам, и Витнамра, и Сахот Сафон, остаток од царството на есевонскиот цар Сион; неговата граница беше Јордан до Хенеретското Море од онаа страна на Јордан, кон исток.

²⁸Тоа е наследството на Гадовите синови според племињата нивни, — градовите нивни и селата нивни.

²⁹Мојсеј му даде дел и на полуплемето Манасиево, според родовите нивни;

³⁰нивни предели беа: од Манаим, и целот царство Васанско, и целото царство на васанскиот цар Ог и сите села Јаирови во Васан — шеесет градови;

³¹а половината од Галад, и во Астарот и во Едраин, градови царски на Ог Васански, тие им беа дадени на синовите од Махира, Манасиев син, и половина на Махировите синови, според родовите нивни.

³²Тоа е наследство што им го даде Мојсеј во Аравот Моавски од онаа страна на Јордан, спроти Јерихон, кон исток.

³³А на Левиевото племе Мојсеј не ме даде дел: Самиот Господ, Бог Израилев, е нивни дел, како што им беше рекол Он.