Read Свето Писмо (Гаврилова) 1990 Исус Навин 21 Bible Online

Исус Навин 21 - Свето Писмо (Гаврилова) 1990 bible

Исус Навин 21

¹Левитските старешини на татковските домови дојдоа кај свештеникот Елеазар, кај Исуса, синот Навинов, и кај племенските старешини на Израилевите синови,

²и им рекоа во Силом, во Хананската земја, велејќи: »Господ беше заповедал преку Мојсеја да ни дадете градови за живеење и околни нивни предградија за добитокот наш.«

³И синовите Израилеви им дадоа на левитите од деловите свои, според заповедта на Господа, овие градови со нивните околни предградија.

⁴И се фрли жреб за Катовите родови и според жребот на синовите од свештеникот Арон, кои беа левити, им се паднаа тринаесет градови — од Јудиното племе, од Сименовото племе и од Венијаминовото племе;

⁵а на другите Катови синови според жребот за родовите на Ефремовото племе, на Дановото племе и на полуплемето Манасиево им се паднаа — десет градови;

⁶на Гирсоновите синови од племето Исахарово, од Асировото племе, од Нефталимовото племе и од полуплемето Манасиево во Васан со жреб им припаднаа — тринаесет градови;

⁷на Мерариевите синови, според родовите нивни, од Рувимовото племе, од Гадовото племе и од Завулоновото племе — дванаесет градови.

⁸Синовите Израилеви им ги дадоа на левитите тие градови и предградијата нивни со жреб, како што беше заповедал Господ преку Мојсеја.

⁹А синовите од племето Јудино и од племето Симеоново и од племето Венијаминово им ги дадоа овие градови што се набројуваа според имињата свои:

¹⁰на Ароновите синови, од родовите Катови, меѓу синовите Левиеви, бедејќи нивниот жреб беше прв.

¹¹Им го дадоа Киријет-Арва, односно градот на Арво, Енаковиот татко, инаку градот Хеврон, во Јудината гора, заедно со околиите негови;

¹²а полето на тој град и селата негови му ги дадоа во наследство на Јефониевиот син Халев.

¹³И така, на синовите на свештеникот Арон им го дадоа градот Хеврон, со околиите негови, како град-прибежиште за убијците, и Левна со околината нејзина,

¹⁴Јетер со околината негова, Естем со околината негова,

¹⁵Олон со околината негова, Давир со околината негова,

¹⁶Аин со околината негова, Јета со околината нејзина; Ветсамис со околината негова — девет градови од тие две племиња;

¹⁷од Венијаминовото колено: Гаваон со околината негова, Гаве со околината нејзина,

¹⁸Анатот со околината негова, Алмон со околината негова — четири града.

¹⁹Сите градови на синовите Аронови, свештениците, се тринаесет градови со околините нивни.

²⁰И на родовите од Катовите синови, левитите, — што уште беа останале од Катовите синови, според нивниот жреб, им се паднаа градовите од пределите на племето Ефремово:

²¹им го дадоа Сихем со околината негова, како град прибежиште за убијци, во Ефремовата гора, и Газер со околината негова.

²²Кавсаим со околината негова, Веторон со околината негова — четири града;

²³а од Дановото племе: Елтекон со околината негова и Гаветон со околината негова,

²⁴Елон со околината негова и Гетремон со околината негова — четири града;

²⁵од полуплемето Мансиево: Танах со околината негова, и Ветсам со околината негова — два града.

²⁶Сите градови што им се паднаа на другите Катови синови, се десет града со околините нивни.

²⁷А на Гирсоновите синови, сродници на левитите, им ги дадоа: од полуплемето Манасиево Голан во Васан со околината негова, град прибежиште за убијци, и Вестера со околината нејзина — два града;

²⁸од Исахаровото племе: Кисон со околината негова, Деврат со околината негова,

²⁹Јермот со околината негова, Ен-Ганим со околината негова — четири града;

³⁰од Асировото племе: Масал со околината негова, Авдон со околината негова;

³¹Телкат со околината негова, Реов со околината негова — четири града;

³²од Нефталимовото племе: Кедес во Галилеја со околината негова, — град прибежиште за убијци, Ематор со околината негова и Ноемон со околината негова — три града.

³³Сите градови што им се паднаа на Гирсоновите синови, според племињата нивни, се тринаесет градови со околините нивни.

³⁴На другите левити, од родовите на Мерариевите синови, им ги дадоа од Завулоновото племе: Јекнам со околината негова, Карта со околината нејзина.

³⁵Дамна со околината нејзина, Налол со околината негова — четири града;

³⁶од онаа страна на Јордан спроти Јерихон од Рувимовото племе им беше даден градот прибежиште за убијци Восор, во пустињата Мисор, со околината негова, Јазир со околината негова,

³⁷Гедсон со околината негова, Масфа со околината нејзина — четири града;

³⁸од Гадовото племе: Рамот со околината негова, градот прибежиште за убијци, Рамот во Галад, Манаим со околината негова.

³⁹Есевон со околината негова, Јазир со околината негова — града четири.

⁴⁰Сите градови, што им се паднаа со жреб на другите левитски родови, од Мерариевите синови, според домовите нивни, се дванаесет града.

⁴¹Сите левитски градови, што беа во наследствата на синовите Израилеви, беа четириесет и осум града со околините нивни.

⁴²При тие градови околу секој град имаше околина; така беше кај сите тие градови. Кога Исус ја заврши делбата на земјата според пределите нејзини, Израилевите синови му дадоа дел на Исуса по заповед на Господа, му го дадоа градот, кој само го бараше, му го дадоа Тамнасахар, во Ефремовата гора; тогаш Исус го изгради градот, што го беше побарал, и живееше во него. И ги зеде Исус камените ножеви, — со кои ги беше обрезал Израилевите синови, родени по патот во пустињата, бидејќи тие не беа обрезани во пустињата, — и го постави во Тамнасахар.

⁴³И така Господ му ја предаде на Израилот целата замја, за која им се заколна на нивните таковци дека ќе им ја даде; тие ја наследија и се населија во неа.

⁴⁴И Господ им даде спокојство отсекаде, како што им се беше заколнал на татковците нивни, и никој од непријателите нивни не устои против нив; сите нивни непријатели Господ им ги предаде во нивни раце.

⁴⁵Не остана неисполнет ниеден збор од сите добри зборови, кои Господ им ги беше рекол на домот Израилев: сѐ се исполни.